newssting
Radio
BITING NEWS :
కరోనా ఎండమిక్‌ దశకి వచ్చేశామని ప్రపంచ దేశాలు భావిస్తే ప్రమాదకరమని ప్రపంచ ఆరోగ్య సంస్థ (డబ్ల్యూహెచ్‌ఓ) చీఫ్‌ టెడ్రోస్‌ అధ్నామ్‌ ఘెబ్రెయాసస్‌ హెచ్చరించారు. కరోనా వైరస్‌ నుంచి మరిన్ని వేరియెంట్లు వచ్చే అవకాశాలు అధికంగా ఉన్నాయని అన్నారు. * దేశంలో బీజేపీని జాతీయ స్థాయిలో ఓడించడంలో కాంగ్రెస్‌ది కీలకస్థానమని, కానీ ఆ పార్టీ ప్రస్తుత నాయకత్వానికి (గాంధీ కుటుంబం) అంత శక్తి లేదని రాజకీయ వ్యూహకర్త ప్రశాంత్‌ కిశోర్‌ అభిప్రాయపడ్డారు. * అఖిల భారత సర్వీసుల(ఏఐఎస్‌) కేడర్‌ రూల్స్‌–1954కు కేంద్రం ప్రతిపాదించిన సవర ణలు రాజ్యాంగానికి, సమాఖ్య స్ఫూర్తికి గొడ్డలి పెట్టు అని సీఎం కె.చంద్రశేఖర్‌రావు ధ్వజ మెత్తారు. ఐఏఎస్, ఐపీఎస్, ఐఎఫ్‌ఎస్‌ అధికారుల పనితీరును, వారి ఉద్యోగ స్వరూపాన్ని పూర్తిగా మార్చేసేలా ఆ సవరణలు ఉన్నాయని ఆందోళన వ్యక్తం చేశారు. * రాష్ట్ర మంత్రి కొడాలి నాని, డీజీపీ గౌతమ్‌ సవాంగ్‌పై విపరీత వ్యాఖ్యలు చేసిన టీడీపీ మాజీ ఎమ్మెల్సీ బుద్దా వెంకన్నపై పోలీసులు పలు సెక్షన్ల కింద కేసు నమోదు చేశారు. సోమవారం సాయంత్రం ఆయన్ని ఇంటి వద్ద అదుపులోకి తీసుకున్న పోలీసులు, కొద్దిసేపటి తర్వాత నోటీసులు ఇచ్చి వదిలేశారు. * ఐపీఎల్‌ కొత్త ఫ్రాంచైజీ అయిన లక్నో.. తమ జట్టు పేరును అధికారికంగా ప్రకటించింది. సంజీవ్ గొయెంకా నేతృత్వంలోని ఆర్పీఎస్జీ సంస్థ.. తమ జట్టుకు ‘లక్నో సూపర్ జెయింట్స్’ పేరును ఖరారు చేసింది. ఈ మేరకు ఫ్రాంచైజీ అధినేత సంజీవ్‌ గొయెంకా సోమవారం ట్విటర్‌ వేదికగా వెల్లడించారు.

'అన్ స్టాపబుల్' గ్రాండ్ ఫినాలేలో ప్రిన్స్ మహేష్ బాబు

21-01-202221-01-2022 22:44:31 IST
2022-01-21T17:14:31.671Z21-01-2022 2022-01-21T17:14:28.356Z - - 27-05-2022

'అన్ స్టాపబుల్' గ్రాండ్ ఫినాలేలో ప్రిన్స్ మహేష్ బాబు
facebooktwitterGooglewhatsappwhatsappGoogle
నందమూరి నటసింహం బాలకృష్ణ తొలిసారిగా హోస్ట్ గా వ్యవహరిస్తున్న 'అన్ స్టాపబుల్' టాక్ షో సూపర్ సక్సెస్ అయిన విషయం తెలిసిందే. తెలుగు ఓటీటీ 'ఆహా' వేదికగా స్ట్రీమింగ్ అవుతున్న ఈ కార్యక్రమం మొదటి సీజన్ ముగింపు దశకు చేరుకుంది. ఇప్పటి వరకు ప్రసారమైన అన్ని ఎపిసోడ్స్ విశేష ప్రేక్షకాదరణ దక్కించుకోగా.. సీజన్-1 ఫినాలే ఎపిసోడ్ కు సూపర్ స్టార్ మహేష్ బాబు ప్రత్యెక అతిధిగా హాజరయ్యారు. ఈ విషయాన్ని ‘ఆహా’ టీమ్ సోషల్ మీడియా వేదికగా అధికారికంగా ప్రకటించింది. దీంతో బాలయ్య - మహేష్ బాబుల మధ్య జరిగిన ఆసక్తికరమైన సంభాషణ చూడటానికి సినీ అభిమానులు ఆతృతగా ఎదురుచూస్తున్నారు. ఈ నేపథ్యంలో బ్లాక్ బస్టర్ ఎపిసోడ్ ని ఫిబ్రవరి 4వ తేదీన ప్రీమియర్ గా స్ట్రీమింగ్ చేయనున్నట్లు వెల్లడించారు. అంతేకాదు తాజాగా మహేష్ పాల్గొన్న 'అన్ స్టాపబుల్' ఎపిసోడ్ కి సంబంధించిన ప్రోమోను మేకర్స్ విడుదల చేశారు. 'ఎవడు కొడితే దిమ్మతిరిగి మైండ్ బ్లాక్ అవుతుందో అతనే మహేష్..' అంటూ బాలయ్య తనదైన శైలిలో సూపర్ స్టార్ ని ఆహ్వానించారు. ఇందులో బాలకృష్ణ - మహేష్ మధ్యన సాగిన సరదా సంభాషణ నవ్వులు పూయిస్తోంది. మహేష్ తన భార్యా పిల్లల గురించి చెప్పడమే కాదు.. తన కామెడీ టైమింగ్ గురించి ప్రస్తావించారు. ఈ ప్రోగ్రామ్ లో మొత్తం బయటకు లాగుతానని బాలయ్య అనడం అందరిని నవ్విస్తోంది. కేబీఆర్ పార్కుకు వాకింగ్ వెళ్తే పాము కనిపించదని..  అప్పటి నుంచి మళ్లీ అటు వైపు వెళ్లలేదని మహేశ్ బాబు అప్పట్లో జరిగిన ఫన్నీ సంఘటనను గుర్తు చేసుకున్నారు. అలానే 1000 మందికి పైగా చిన్నారులకు గుండె ఆపరేషన్ చేయించడం వెనకున్న కారణాన్ని చెప్పి మహేష్ భావోద్వేగానికి గురి చేశారు. తన కుమారుడు గౌతమ్ కృష్ణ పుట్టినప్పుడు కేవలం అరచేయి అంత మాత్రమే ఉన్నాడని మహేష్ తెలిపారు. తనకు డబ్బు ఉండటం వల్ల వైద్యం చేయించుకున్నామని.. కానీ లేని వాళ్ల పరిస్థితి ఏంటనిపించిందని.. అందుకే చిన్నారుల హార్ట్ ఆపరేషన్ కోసం తన వంతు సాయం చేస్తున్నట్లు వెల్లడించారు. ఈ షోకు దర్శకుడు వంశీ పైడిపల్లి కూడా అతిథిగా హాజరయ్యారు. వీరి మధ్య జరిగిన ఆసక్తికరమైన ఈ సంభాషణ ఫిబ్రవరి 4వ తేదీన 'ఆహా'లో స్ట్రీమింగ్ కానుంది.


Newssting


 newssting.in@gmail.com
      040 23600300

newsting
Daily Updates
facebooktwitterGooglewhatsappwhatsappGoogle