హైదరాబాద్: కోవిడ్ వైరస్ ను అరికట్టేందుకు అనివార్య పరిస్థితుల్లో తెలంగాణ ప్రభుత్వం లాక్ డౌన్ విధించింది. సామాజిక దూరం పాటించాలని, మాస్కులు ధరించాలని, శానిటైజర్లను ఎప్పటికప్పుడు వాడటమే వ్యక్తిగతంగా పాటిచవలసిన జాగ్రత్తలను ప్రసారం చేసింది. కానీ ఆ నియమాలను, నిబంధనలను జనం పూర్తిగా పాటిస్తున్నారా? మిగతా రాష్ట్రాల కంటే తెలంగాణ లోనే పరిస్థితి మెరుగ్గా ఉందంటూ మంత్రులు, అధికారులు చేస్తున్న ప్రకటనల్లో సారం ఎంత అనే సందేహాలు కలుగుతున్నాయి.

లాక్ డౌన్ మినహాయింపుల్లో భాగంగా ప్రజల అవసరాలను దృష్టిలో పెట్టుకొని ఉదయం 6 నుంచి 10 వరకు సడలించారు. ఈ నాలుగు గంటల్లోనే ఇటు హైదరాబాద్ లోనూ, ఇతర ప్రాంతాలలోనూ, ఇటు మార్కెట్లు, అటు వ్యాపార కేంద్రాల వద్ద జనం పెద్ద సంఖ్యలో చేరుకోవడాన్ని బట్టి చూస్తే సందు దొరికితే కుమ్మేసే కరోనా వైరస్ ఇంత జన సమూహం మధ్య మరింత వేగంగా వ్యాపిస్తుందన్న ఆందోళన వ్యక్తమవుతోంది. ఈ నాలుగు గంటల వ్యవధిలో కోవిడ్ నిబంధనలకు నీళ్లు వదిలేయడమే ఇందుకు కారణంగా చెబుతున్నారు. మొదటిసారి లాక్ డౌన్ పెట్టినప్పుడు అన్ని దుకాణాల ముందు గడులు గీసేవారు. వాటి మధ్య నిలుచొని తమ వంతు వచ్చిన తరువాతే ప్రజలు కొనుగోళ్లు చేసేవారు. 

కానీ ఇప్పుడు ఈ నాలుగు గంటల సడలింపులో అలాటి నిబంధనలేవీ కనిపించడం లేదు. కూరగాయల మార్కెట్లు మొదలుకొని అన్ని చోట్లా జనం ఎగబడుతున్నారు. తమ వస్తువులను చేజిక్కుంచుకునేందుకు తెగబడుతున్నారు. ఎల్బి నగర్ నుంచి హైటెక్ సిటీ వరకు అన్ని ప్రహాదానా వ్యాపార కేంద్రాలలోనూ పెద్ద సంఖ్యలో జనం గుమికూడిన దృశ్యాలే కనిపిస్తున్నాయి. కొన్ని పెద్ద మార్కెట్లలో శారీరక ఉష్ణోగ్రతను తనిఖీ చేస్తున్నా సామాజిక దూరం అనే నిబంధన కనిపించడం లేదు. ఇక మాస్కులన్నవి అలంకారప్రాయంగా ముఖానికి వేలాడుతున్నాయే తప్ప అవి ఉండాల్సిన చోటులో ఉండటం లేదు.   

ఈ నాలుగు గంటల వ్యవధిలోనే అన్ని పనులు పూర్తి చేసుకోవాలన్న ఆరాటమే ప్రజలను పెద్ద సంఖ్యలో రోడ్లమీదకు రప్పిస్తోంది. అన్ని చోట్లా కూడా ప్రభుత్వ నియంత్రణ అన్నది సాధ్యం కాదు కాబట్టి కోవిడ్ తీవ్రతను ఇప్పటికే చవిచూసిన జనం తమ వ్యక్తిగత బాధ్యతగా ఈ నిబంధనలు పాటించాలని చెబుతున్నారు. ఉదయం ఆరు దాటగానే పెద్ద సంఖ్యలో రోడ్లమీదకు వస్తున్న ప్రజలు సడలింపు గడువు పూర్తయినా కూడా రోడ్ల మీదనే కనిపించడం అదీ సామాజిక దూరం లేకుండా సంచరించడం కోవిడ్ వ్యాప్తికి పచ్చజెండా ఊపడమే అంటున్నారు. ఏ మాత్రం అజాగ్రత్తగా ఉన్నా కోవిడ్  కాటేస్తుందన్న సృహను ప్రజలు వీడితే అందుకు మూల్యం చెల్లించుకోకతప్పదన్న వాస్తవాన్ని ప్రజలు గ్రహించాలి. 

ఏమో.. ష‌ర్మిల‌క్క తీరే వేరు. ఎప్పుడు ఎలా ఉంటారో ఎవ్వ‌రికీ అర్దం కాదు. ఏదేదో అనుకుని వ‌స్తే.. ఇంకేదో అవుతుండ‌డంతో.. ష‌ర్మిల‌క్క‌య్య‌కి ఫ్ర‌స్ట్రేష‌న్ త‌ప్ప‌డం లేదు అంటున్నారు. లీడ‌ర్లు అంతా.. గ‌ప్ చుప్ గా ఉన్న టైంలో.. హ‌డావిడి చేయ‌డం.. హ‌డావిడి  చేసే టైంలో గ‌ప్ చుప్ గా ఉండ‌డం లాంటి ప‌నుల్తో.. ష‌ర్మిల‌క్క‌య్య త‌న తీరే వేరు అన్న‌ట్లుగా ఉన్నార‌ని.. త‌లో మాటా అనుకుంటున్నారు.

యాక్చువ‌ల్ గా అక్క‌య్య పార్టీ గురించి బిజీ అయిపోవాలి అనుకున్న టైంలో క‌రోనా వేవ్ పెరిగింది. అయినా త‌గ్గ‌లేదు. కానీ.. చుట్టూ ఉన్న వారికి క‌రోనా వ‌స్తుంది అని.. దీక్ష‌లు గ‌ట్రా క్లోజ్ అన్నారు. ఆ త‌ర్వాత మాయం అయిపోయారు. ఇప్పుడు స‌డ‌న్ గా ఎంట్రీ ఇచ్చారు ష‌ర్మిల‌క్క‌య్య‌. ఇప్పుడు దీక్ష‌లు,  స‌భ‌లు, యాత్ర‌ల‌కి స్పేస్ లేదు క‌దా. సోష‌ల్ మీడియానే ఆప్ష‌న్ కాబట్టి.. త‌ను కూడా అదే వే లో మూవ్ అవుతున్నారు.  చిన్న సారు పెద్ద సారు అంటే.. సీఎం కేసీఆర్, మినిస్ట‌ర్ కేటీఆర్ పై పంచులు దంచుతున్నారు.

రాష్ట్రంలో  ఏం జ‌రుగుతుందో  చూస్తున్నారా.. అస‌లు ప‌ట్టించుకుంటున్నారా. పేద‌ల ప్రాణాలంటే విలువ లేదా.. మ‌నుషులంటే లెక్క లేదా. వారి బ‌తుకులు ఏం కావాలి. సీఎంలు గా మినిస్ట‌ర్లు గా ఉండి ఏం చేస్తున్నారు. జ‌నం ప్రాణాల‌తో ఇంకెంత కాలం చెల‌గాటం ఆడుతారు. క‌రోనా వ‌చ్చిన వారికి ఇంజ‌క్ష‌న్లు కూడా దొర‌క‌డం లేదు. 4 వేలు కూడా లేని ఇంజ‌క్ష‌న్ ను 40 వేల‌కి అమ్ముతుంటే పట్టించుకోరా.. జ‌నం ఆక్సిజ‌న్ అందక చ‌స్తుంటే.. మీరు ఏం చ‌ర్య‌లు తీసుకుంటున్నారు అంటూ..  సీఎం కేసీఆర్, మినిస్ట‌ర్ కేటీఆర్ ని క‌లిపి.. చెడా మ‌డా అనేశారు.

పేప‌ర్ల‌లో వ‌చ్చిన వార్తను పోస్ట్ చేస్తూ.. నానా మాటలూ అన్నారు ష‌ర్మిల‌క్క‌య్య‌. త‌ను అన్న మాట‌ల్లో త‌ప్పేం లేదు. మాట‌లు ఎగ్జాక్ట్ గా ఇవే కాకున్నా.. ఇలాంటి  ఉద్దేశం వినిపించే  మాట‌లే అన్నారు. సో..అందులో త‌ప్పేముంది. జ‌నం త‌రుపున మాట్లాడారు అనుకోవ‌చ్చు. కానీ.. స‌డ‌న్ గా ష‌ర్మిల‌క్క‌య్య‌కి ఏమైంది. ఇలా రియాక్ట్ అవుతున్నారేంటి అన్న‌ది ఇప్పుడు పొలిటిక‌ల్ గా హాట్ టాపిక్ అయింది.

తెలంగాణ కాంగ్రెస్ నేత, ఎంపీ రేవంత్ రెడ్డి తెలంగాణ ప్రభుత్వంపై విరుచుకుపడ్డారు. వ్యాక్సిన్ల కోసం గ్లోబల్ టెండర్లకు తెలంగాణ రాష్ట్ర ప్రభుత్వం ఆహ్వానించిన సంగతి తెలిసిందే..! అయితే ఈ టెండర్లను పిలిచి భారీ గోల్ మాల్ కు పాల్పడబోతోందని రేవంత్ రెడ్డి విమర్శించారు. కరోనా మందులు, వ్యాక్సిన్‌ కొనుగోళ్ల పేరిట తెలంగాణలో రూ.వేల కోట్ల అవినీతి జరిగే అవకాశం ఉందని.. గ్లోబల్‌ టెండర్ల ముసుగులో మంత్రి కేటీఆర్‌ మిత్రుల కంపెనీలకు రూ.కోట్లు దోచిపెట్టే ప్రయత్నం జరుగుతోందని రేవంత్ రెడ్డి ఆరోపించారు.

దేశంలో రెండు కంపెనీల వ్యాక్సిన్‌ మాత్రమే వినియోగానికి అనుమతి ఉన్నప్పుడు గ్లోబల్‌ టెండర్లను పిలవాల్సిన అవసరమేంటని ప్రశ్నించారు. రాష్ట్రంలో కరోనా కేసులను తగ్గించి చూపిస్తుండడంతో కేంద్రం నుంచి రావాల్సిన నిధులు, మందులు రాలేదని అన్నారు. రాష్ట్రంలో తయారవుతున్న వ్యాక్సిన్‌లో వాటా కోసం కేంద్రాన్ని సీఎం కేసీఆర్‌ ఎందుకు నిలదీయట్లేదని ప్రశ్నించారు. కరోనా అంశాలపై కేసీఆర్ సలహాలు విని ప్రధాని మోదీ మెచ్చుకున్నారని తెలంగాణ ప్రభుత్వం చెప్పుకుంటోంది. ఇంకా నయం, ఢిల్లీకి పిలిపించి సన్మానం చేస్తామంటున్నారని కేసీఆర్ చెప్పుకోలేదని విమర్శించారు. 

కరోనా మొదటి వేవ్‌ సమయంలోనే కొవిడ్‌ నియంత్రణ, కిట్లు, మందుల కొనుగోళ్ల పేరుతో రూ.కోట్ల అవినీతి జరిగిందని, దీనికి సంబంధించి విజిలెన్స్‌ నివేదికను ప్రభుత్వ పెద్దలు బయటకు రానివ్వకుండా చేశారని ఆరోపించారు. మొదటి వేవ్‌ కరోనా ప్రభావం నుంచి ప్రభుత్వం గుణపాఠం నేర్చుకోలేదని, రెండో వేవ్‌లో విజృంభణ తార స్థాయికి చేరాక నియంత్రణ పేరిట హడావుడిగా టాస్క్‌ఫోర్స్‌ను వేసిందని అన్నారు. ఎక్కడ అవినీతికి ఆస్కారం ఉంటుందో అక్కడ సీఎం కుటుంబ సభ్యులు వాలిపోతుంటారని అన్నారు.

కొనుగోళ్లు అనగానే కేటీఆర్ రంగప్రవేశం చేశారని, ఇక కేటాయింపులు అంటే కేటీఆర్ కు జతగా హరీశ్ రావు కూడా వచ్చేస్తారని రేవంత్ రెడ్డి విమర్శలు గుప్పించారు. వ్యాక్సిన్‌ కొనుగోళ్ల పేరిట రూ.కోట్లు ఖర్చుచేసే అవకాశం ఉండటంతో కేటీఆర్‌కు ఆ టాస్క్‌ఫోర్స్‌ బాధ్యతలు అప్పగించారని అన్నారు. పీఎం కేర్‌ ద్వారా రాష్ట్రంలో ఒక్క ఆక్సిజన్‌ ప్లాంటైనా ఏర్పాటైందా..? అని ప్రశ్నించారు. తెలంగాణ వ్యాక్సిన్ అవసరాలు తీరిన తర్వాతే బయటి రాష్ట్రాలకు ఇస్తామని కేసీఆర్ ఎందుకు చెప్పడంలేదని ప్రశ్నించారు. తమిళనాడు, ఒడిశా వంటి రాష్ట్రాలు తమ అవసరాలు తీరిన తర్వాతే ఆక్సిజన్ ను ఇతర రాష్ట్రాలకు పంపిస్తున్నప్పుడు, కేసీఆర్ వ్యాక్సిన్ విషయంలో ఎందుకు నిర్ణయం తీసుకోవడంలేదని రేవంత్ రెడ్డి ప్రశ్నించారు.

టీఆర్ఎస్ నేత‌ల తీరే వేరేలా ఉంది. రాజ‌కీయంలో త‌ల పండిపోయిన లీడ‌ర్లకి కూడా త‌డ‌బాటు త‌ప్ప‌డం లేదు. ఎప్పుడు ఎలాంటి సిచ్చువేష‌న్ ఎదుర్కోవాల్సి వ‌స్తుందో అర్దం కావ‌డం లేదు. రాజ‌కీయంగా గేమ్స్ ఆడ‌డం.. త‌ర్వాత ఆన్స‌ర్ లు చెప్పుకోలేని ప‌రిస్థితిలోకి జారి పోవ‌డం మామూలే క‌దా. ఇప్పుడు తెలంగాణ‌లో టీఆర్ఎస్ లీడ‌ర్ల‌కి అదే ప‌రిస్థితి ఎదురైంది. ఇన్నాళ్లూ మీడియా ముందుకు రాలేదు.. మినిస్ట‌ర్ కేటీఆర్. అఫ్ కోర్స్.. క‌రోనా వ‌చ్చి రెస్ట్ తీసుకున్నారు. త‌గ్గిన త‌ర్వాత యాక్టివ్ అయ్యారు. ఇన్ సైడ్ ఉన్నా.. ట్విట్ట‌ర్ లాంటి సోషల్ మీడియాలో యాక్టివ్ గా ఉండే కేటీఆర్.. ఈటెల విష‌యంలో గ‌ప్ చుప్ అయ్యారు. అలాగే క‌రోనా కేసుల విష‌యంలోనూ గ‌ప్ చుప్. లాక్ డౌన్ గురించి ఏ మాటా మాట్లాడ‌కుండా ఉన్నారు. 

ఇప్పుడు లాక్ డౌన్ పెట్టేశారు. మీడియా ముందుకి వ‌చ్చారు. అంతా బ్ర‌హ్మాండంగా ఉంది.. ఏం ప‌ర్లేదు ఏం ప‌ర్లేదు అన్నారు. చూసే జనాలు కూడా.. మొన్న‌టి దాకా అండర్ కంట్రోల్ లో ఉంది అని లాక్ డౌన్ పెట్టార్ లే. ఇప్పుడు చెబుతున్న‌వి కూడా అవే మాట‌లు క‌దా అనుకున్నారు. కానీ.. వాటికి కూడా కేటీఆర్ ముందుగానే క్లారిటీ ఇచ్చారు. అండ‌ర్ కంట్రోల్ లో ఉంది అని మేం అన‌డం కాదు.. దేశం కూడా అదే అంటోంది. మెడిక‌ల్ హ‌బ్ గా ఉన్న హైద‌రాబాద్ చాలా కంట్రోల్ లో ఉంది అని కేంద్రం కూడా లెక్క‌ల్లో చెబుతోంది అన్నారు. లెక్క‌ల్లో మ‌నం అన్నీ చుక్క‌లే చూపిస్తే వాళ్లు మాత్రం ఏం అంటార్ లే అనుకున్నారు.

కానీ.. కేటీఆర్ మీడియా ముందుకి వ‌చ్చినా.. తాము చెప్పాల్సింది చెప్పి సైలంట్ అయి పోయారు. మరి మీడియా వాళ్లు ఊరుకుంటారా.. ఏదో క్వ‌శ్చ‌న్స్ అడ‌గ‌బోయారు. స‌డ‌న్ గా కేటీఆర్ ఒక్క‌టే మాట అన్నారు. అవ‌న్నీ త‌ర్వాత మాట్లాడుకుందాం. మీరు ఏం అడిగినా ఆన్స‌ర్ ఇస్తా. కానీ ఇప్పుడు కాదు అన్నారు. త‌ర్వాత మ‌రోసారి అడ‌గ‌బోయినా.. మీడియాకి మ‌రోసారి అదే మాట చెప్పారు. త‌ర్వాత క‌చ్చితంగా  మాట్లాడుకుందాం అని. ఇది చూసిన ప్ర‌తి వారికీ అర్దం అయ్యేది ఒక్క‌టే.

ఈటెల రాజేంద‌ర్ గురించి ఏమైనా మాట్లాడ‌తారేమో అనే భ‌యంతో.. కేటీఆర్ అలా త‌ప్పించుకుంటున్నారు అనే విష‌యం అర్దం అవుతోంది. మ‌రీ అంత ఆన్స‌ర్లు చెప్ప‌లేని ప‌రిస్థితిని ఫేస్ చేస్తున్నారంటే... త‌ప్పు అని ఇండైరెక్ట్ గా ఒప్పుకోవ‌డ‌మేగా అంటున్నారు. మొన్న కూడా టీఆర్ఎస్ మినిస్ట‌ర్లు, లీడ‌ర్లు ఇదే మాట అన్నారు. మేం చెప్పేది చెప్పాం.. అంతే ఇక.. అన్నారు. అంటే వాళ్ల ద‌గ్గ‌ర కూడా ఆన్స‌ర్ లేదు. జ‌నాల‌కి క్లియ‌ర్ గా అర్దం అవుతోంది క‌దా. ఈటెల‌ని కావాల‌ని టార్గెట్ చేసి.. ఇప్పుడు ఆన్స‌ర్ లు చెప్ప‌లేని ప‌రిస్థితిలో ఉండిపోయారు అని.

తెలంగాణ రాష్ట్రంలో లాక్ డౌన్ మొదలైంది. ఉదయం 10గంటల నుంచి లాక్‌డౌన్‌ ఆంక్షలు అమల్లోకి వచ్చాయి. రాష్ట్రవ్యాప్తంగా బుధవారం నుంచి (మే 12 నుంచి 21 వరకు) పదిరోజుల పాటు లాక్‌డౌన్‌ కొనసాగుతుంది. రోజూ ఉదయం 10 గంటల నుంచి మరుసటి రోజు ఉదయం 6 వరకు లాక్‌డౌన్‌ కొనసాగుతుంది.  లాక్‌డౌన్‌ ఆంక్షలను కేవలం నాలుగు గంటలు మాత్రమే సడలింపు ఇవ్వడంతో మార్కెట్లలో తీవ్రమైన రద్దీ నెలకొంది. లాక్‌డౌన్ విధించడంతో చాలా మంది సొంతూళ్లకు పయనం అయ్యారు. హైవే మీద వాహనాలు, రైల్వే స్టేషన్ల దగ్గర ప్రయాణీకులు ఎక్కువయ్యారు. 

ఇక  రాష్ట్రంలో 10రోజుల పాటు లాక్‌డౌన్ నేప‌థ్యంలో మందు దొరుకుతుందో లేదోన‌ని.. ముందు జాగ్ర‌త్త‌గా స్టాక్ పెట్టుకునేందుకు వైన్ షాపుల‌కు నిన్న లైన్ కట్టిన సంగతి తెలిసిందే. క‌రోనా మార్గ‌ద‌ర్శ‌కాల‌ను లెక్క‌చేయ‌కుండా, సామాజిక దూరం పాటించ‌కుండా గుంపులు గుంపులుగా ఎగ‌బ‌డ్డారు. మందుబాబుల కోసం తెలంగాణ ప్రభుత్వం కీలక నిర్ణయం తీసుకుంది. వైన్ షాపులను ఉదయం 6 నుంచి 10 గంటల వరకు తెరిచి ఉంచాలని నిర్ణయం తీసుకుంది. ఈ మేరకు అబ్కారీ శాఖకు ప్రాథమికంగా ఉత్తర్వులు జారీ చేసింది. అంతేకాకుండా అబ్కారీ కార్యాలయాలు కూడా ఉదయం 8 నుంచి 10 గంటల వరకు తెరచి ఉంచాలని ప్రభుత్వం ఆదేశాలిచ్చింది.

తెలంగాణ ప్రభుత్వ లాక్ డౌన్ నుంచి అనేక రంగాలను మినహాయించింది. అన్ని రకాల వైద్య సేవలు అందుబాటులో ఉంటాయి. ప్రభుత్వ, ప్రైవేటు ఆసుపత్రుల సేవలకు ఎలాంటి ఆటంకాలు ఉండవని చెప్పారు. ఫార్మా కంపెనీలు, వైద్య పరికరాల తయారీ సంస్థలు, మెడికల్ డిస్ట్రిబ్యూటర్లు, మెడికల్ షాపుల కార్యకలాపాలకు అనుమతిని ఇచ్చారు. వైద్య రంగం, ఫార్మా రంగం, మెడికల్ డిస్ట్రిబ్యూషన్, ఆసుపత్రుల సిబ్బందికి ప్రత్యేక పాసులు ఇవ్వనున్నారు. 33 శాతం సిబ్బందితో ప్రభుత్వ కార్యాలయాల నిర్వహించనున్నారు. ప్రింట్, ఎలక్ట్రానిక్ మీడియా రంగాలకు లాక్ డౌన్ నుంచి మినహాయింపు ఇచ్చింది. బ్యాంకులు, ఏటీఎంల కార్యకలాపాలు యథాతథంగా పని చేయనున్నాయి. వ్యవసాయ రంగానికి చెందిన అన్ని రకాల కార్యకలాపాలకు మినహాయింపు ఇచ్చారు. 

ఈటెల రాజేంద‌ర్ ఇష్యూ ఈ మ‌ధ్య ఎంత హాట్ టాపిక్కో తెలిసిందే క‌దా. అయితే.. పార్టీప ఎడ‌తారా లేదా... అయితే ఈటెల రాజేంద‌ర్ పెద్ద‌గా హ‌డావిడి చేసే లీడ‌ర్ కాక‌పోవ‌డంతో.. అంత అగ్రెసివ్ గా వెళ్తారా.. లేదంటే వేరే పార్టీలో జాయిన్ అయ్యి.. త‌న ఎమ్మెల్యే త‌న మంత్రి ప‌ద‌వి.. ప్ర‌భుత్వం ఫామ్ అయితే.. త‌న మంత్రి ప‌ద‌వి కోసం చూస్తారా అనే చ‌ర్చ బాగానే జ‌రుగుతోంది.

కానీ.. ఈటెల పార్టీ ఫిక్స్ అనే వార్త‌లు బ‌లంగా తిరుగుతున్నాయి. ఎందుకంటే.. ఈటెల రాజేంద‌ర్ వెన‌క న‌డిచి వ‌చ్చే లీడ‌ర్లు చాలా మందే ఉన్నార‌ట‌. ఖ‌మ్మం జిల్లాలోని ఓ కీల‌క నేత‌.. జిల్లా వ్యాప్తంగా ప‌వ‌ర్ చూపించే లీడ‌ర్ కూడా నేనూ నీ వెంటే అంటున్నార‌ట‌. సీఎం వ్య‌తిరేకంగా ఉన్న లీడ‌ర్స్ అంద‌రినీ ఏకం చేసేందుకు ప్లాన్ చేస్తున్నార‌ట‌. ఇక పోతే.. క‌రీంన‌గ‌ర్, ఆదిలాబాద్, నిజామాబాద్ సైడ్ ఈటెల‌కి అంటూ ఓ వ‌ర్గం ఉంది. త‌న సైడ్ నుంచునే ఎమ్మెల్యేలు ఓ ప‌దిహేను మంది దాకా ఉంటార‌ని.. వారంద‌రికీ ఈటెల రాజ‌కీయంగా ఎదిగేందుకు సాయం చేశారు అనే టాక్ ఉంది. వ‌చ్చే ఎన్నిక‌ల్లో బీజేపీ జెండా ఎగ‌రేస్తుంది అనే క్లారిటీ ఉంది. అంటే.. టీఆర్ఎస్ ప‌వ‌ర్ త‌గ్గిపోవ‌డం గ్యారంటీ అనే టాక్ ఉంది. సో.. టీఆర్ఎస్ ని వీడినా వ‌చ్చే న‌ష్టం పెద్ద‌గా లేదు అంటూ వారి వారి లెక్క‌ల్లో వారున్నార‌ట‌.

ఇక పోతే.. ఈటెల వెంటే టీఆర్ఎస్ లో బ‌ల‌మైన లీడ‌ర్ హ‌రీశ్ రావు వెళ్తారు అనే టాక్ ఎప్ప‌టి నుంచో ఉంది. ఈటెల హ‌రీశ్ కానీ.. జ‌ట్టు క‌డితే.. టీఆర్ఎస్ స‌గం చీలుతుంది అనే టాక్ కూడా ఉంది క‌దా. సో.. హ‌రీశ్ కి ఎలాగూ పార్టీలో ప్రాధాన్యం లేక‌పోవ‌డంతో.. ఎన్నిక‌ల టైంకి హ‌రీశ్ కూడా ఈటెలతో దోస్తీ చేస్తారు అనే లెక్క‌ల్లో ఉన్నారు. ఇక పోతే.. రేవంత్ రెడ్డి, కొండా విశ్వేశ్వ‌ర‌రెడ్డి, మ‌ల్ల‌న్న‌, కోదండ‌రామ్.. వీరంతా టీఆర్ఎస్ కి వ్య‌తిరేకంగా మూకుమ్మ‌డిగా జ‌ట్టు క‌డితే.. ఆ లెక్క‌లు వేరే అంటున్నారు. ఇక పోతే.. ఈటెల మీద పాట‌లు కూడా స్టార్ట్ అయ్యాయి. యుద్ధానికి సిద్ధం అంటూ వ‌స్తున్న పాట‌లు చూస్తుంటే కూడా... అన్నీ సెట్ చేసుకుంటున్నారు ఈటెల అనే టాక్ ఫుల్ గా వినిపిస్తోంది.

ఈటెల గారూ.. మా పార్టీలోకి రండి...!

టీఆర్‌ఎస్‌ ఎమ్మెల్యే, మాజీ మంత్రి ఈటల రాజేందర్‌ ను మంత్రివర్గం నుంచి బర్తరఫ్‌ చేసిన సంగతి తెలిసిందే..! ఎన్నో నాటకీయ పరిణామాలు ఇటీవలి కాలంలో చోటు చేసుకున్నాయి. ప్రస్తుతానికైతే టీఆర్ఎస్ పార్టీలోనే కొనసాగుతున్నారు ఈటల. ఆయన త్వరలోనే పార్టీ మారే అవకాశాలు ఉన్నాయని.. తనతో పాటూ మరికొందరిని ఈటల రాజేందర్ తీసుకుని వెళ్లే అవకాశం ఉందని అంటున్నారు. 

తాజాగా టీఆర్‌ఎస్‌ ఎమ్మెల్యే హోదాలోనే కాంగ్రెస్‌ శాసనసభాపక్షం (సీఎల్పీ) నేత మల్లు భట్టివిక్రమార్కతో భేటీ అయ్యారు. మంగళవారం మధ్యాహ్నం బంజారాహిల్స్‌లోని భట్టి నివాసానికి వెళ్లిన ఈటల దాదాపు 40 నిమి షాల పాటు మంతనాలు జరిపారు. రాష్ట్రం లోని ప్రస్తుత రాజకీయ పరిస్థితులు, కరోనా తీవ్రత గురించి ఇద్దరు నేతలూ చర్చించినట్టు  చెబుతున్నారు. ఈ భేటీ సమయంలో కాంగ్రెస్‌ పార్టీలోకి రావాలని ఈటలను భట్టి ఆహ్వానించారని అంటున్నారు. సానుకూలంగా స్పందించిన ఈటల, సమయం కోసం ఎదురుచూద్దామని చెప్పినట్టు తెలుస్తోంది.

ఈటలపై భూ కబ్జా నిందలు వేసి మంత్రివర్గం నుంచి తొలగించారని ఈటల రాజేందర్ భట్టి విక్రమార్కకు చెప్పి ఆవేదన చెందినట్లు తెలుస్తోంది. ఈ ఘటన జరిగాక తాను అన్ని పార్టీల నేతలను కలుస్తున్నానని, ఈ క్రమంలోనే ఆయన్ను కూడా కలిసినట్లు చెప్పారు. భూకబ్జా ఆరోపణలపై మంత్రి పదవిని కోల్పోయిన ఈటల ఏ పార్టీలోకి వెళతారనే ఉత్కంఠ తెలంగాణలో కొనసాగుతూ ఉంది. 

ఈటల హుజూరాబాద్‌ నియోజకవర్గంలోని పలువురు నాయకులను కూడా కలుస్తూ ఉన్న సంగతి తెలిసిందే.  తాను అందరి అభిప్రాయాలు తీసుకున్నాకే సరైన నిర్ణయం తీసుకుంటానని స్పష్టం చేశారు. తొందరపాటుతో నిర్ణయాలు తీసుకుని తనతో పాటు తనను నమ్ముకున్న వారి ఆశలను వమ్ము చేయనన్నారు. గతంలో మన అనుకుని నమ్మిన నాయకులు కూడా తనను మోసం చేశారని.. తాను మరికొంత మందితో సమావేశాలు నిర్వహించి, మనతో కలిసి వచ్చేదెవరు? ఎవరి తీరు ఎలా ఉంది? అన్న అంశాలు తెలుసుకుంటూ ఉన్నానని తెలిపారు. ఇప్పుడు ఆయన పలువురు తెలంగాణ నేతలను కలుస్తూ ఉండడంతో ఏ పార్టీలో చేరుతారా అనే ఊహాగానాలు ఎక్కువయ్యాయి. 

అంద‌రం అనుకుంటున్నాం. నిన్న‌టి వార్త‌ల్లో విన్నాం. సీఎం కేసీఆర్ చెప్పిన‌ట్లుగా ప‌ది రోజులే లాక్ డౌన్ అనుకుంటున్నం. నిజ‌మే.. సీఎం కేసీఆర్ చెబితే.. అంత‌కు మించి ఏముంటుంది  అనుకుంటాం. అందులో త‌ప్పేం లేదు. మ‌రి మొన్న‌టికి మొన్న‌నే.. సీఎం కేసీఆర్ ఏం చెప్పారు. రాష్ట్రం అంతా కంట్రోల్ లో ఉంది. క‌రోనాకి మ‌న‌ల్ని మించిపోయేంత సీన్ లేదు. క‌రోనాని  కంట్రోల్ చేశాం.. ఈ నాలుగు గోళీలు వేసుకుంటే అయిపోతుంది అన్న‌ది కూడా ఆ సీఎం కేసీఆరే క‌దా. ఇంత‌లోనే.. వామ్మో క‌రోనాని త‌ట్టుకోలేం అంటూ లాక్ డౌన్ పెట్టేశారు. సో.. సీఎం ఎప్పుడు ఎలా అయినా మాట్లాడ‌తారు. అఫ్ కోర్స్.. జ‌నం మంచి గురించి ఆలోచించే క‌దా లాక్ డౌన్ పెట్టారు అన‌డంలో త‌ప్పేం లేదు. నిజ‌మే కూడా.

అయితే.. ఈ ప‌ది రోజులే లాక్ డౌన్ అనుకుంటే పొర‌పాటే. ఎందుకంటే మ‌న‌కంటే నెల రోజుల ముందు నుంచే లాక్ డౌన్ పెట్టిన రాష్ట్రాలు ఉన్న‌య్. ఆ రాష్ట్రాలు ఇప్ప‌టికీ లాకులు తీయ‌లేదు. లాక్ డౌన్ ని ఇంకా స్ట్రిక్ట్ గా చేస్తున్న‌య్. ఎందుకంటే.. క‌రోనా క‌ర‌ముల మ‌ధ్య‌లో న‌ల‌గిపోతున్న‌య్ ఆ రాష్ట్రాలు. అఫ్ కోర్స్.. మ‌న తెలుగు రాష్ట్రాలు కూడా అంతే ఉన్న‌య్. సీఎం జ‌గ‌న్ కూడా.. స్ట్రిక్ట్ చేశారు క‌దా. కాక‌పోతే.. ఆరు గంట‌లు అనేది చాలా ఎక్కువ టైం. సీఎం కేసీఆర్ మాత్రం నాలుగు గంట‌లే స‌డ‌లింపు ఇచ్చారు. ఇంకా త‌గ్గించి ఉంటే బావుండేది అనే మాట కూడా వినిపిస్తోంది.

ఇక పోతే.. ముందు ముందు రోజుల్లో ఈ నాలుగు గంట‌ల స‌డ‌లింపు కూడా ఉండ‌క‌పోవ‌చ్చు. క‌రోనా కేసులు పెరుగుతున్న కొద్దీ.. ఓ గంట ఓ గంట త‌గ్గొచ్చు. అస‌లు మొత్తానికే ఎత్తేసి.. నిత్య‌వ‌స‌రాలు, అత్య‌వ‌స‌రాలు మాత్ర‌మే అనొచ్చు. అంతే కాదు. ప‌ది రోజుల్లో క‌రోనా ఓ దారికి వ‌స్తుంది అనుకోవ‌డం పొర‌పాటే.  పోయిన సారి కేంద్రం లాక్ డౌన్ ని ఎలా పెంచుతూ వ‌చ్చిందో చూశాం క‌దా. ఈసారి కూడా స్టేట్ గ‌వ‌ర్న‌మెంట్ అదే ఫార్ములా ఫాలో కాబోతుందంట‌. ఇక జ‌నాలు కూడా ఊళ్ల‌కి బ‌య‌ల్దేరారు.

హైద‌రాబాద్ నుంచి వెళ్లే వారు అయితే.. ఊరెళ్లి పోదాం మామా అనే పాట పాడుకుంటూ.. ఏడ్వ‌లేక న‌వ్వుతున్నారు. ప‌ది రోజుల త‌ర్వాత లాక్ డౌన్ కంటిన్యూ కావ‌చ్చు అని.. ఖాళీ చేస్తున్నారు. మిగిలిన వారు కూడా ఈ రెండు మూడు రోజుల్లో ప్ర‌త్యేకంగా వెహికిల్స్ మాట్లాడుకుని.. పొద్దున్నే స‌డ‌లింపు ఉన్న టైంలో ఇళ్ల‌కి వెళ్లాలి అని చూస్తున్నారు. ఖ‌ర్చు కాస్త ఎక్కువైనా ర‌ష్ లో వెళ్ల‌కుండా ఫ్రీగా వెళ్లాలి అని ప్లాన్ చేసుకుంటున్నారు. ఈ ప‌ది రోజుల్లోగా.. స‌గం హైద‌రాబాద్ ఖాళీ అయినా ఆశ్చ‌ర్య‌పోవాల్సిన అవ‌స‌రం లేదు అంటున్నారు జ‌నాలు. మందు బాబులు కూడా స్టాక్ పెట్టుకుంటున్నారంటే న‌మ్మండి.

తెలంగాణ రాష్ట్రంలో అబ్కారీ శాఖకు వచ్చే ఆదాయం గురించి తెలిసి ఈ దేశమే షాక్ అవుతూ ఉంటుంది. ఎందుకంటే మందుబాబులు తెలంగాణలో కోట్లలో ఆదాయాన్ని తీసుకుని వస్తున్నారు. తాజాగా తెలంగాణలో 10 రోజుల పాటూ లాక్ డౌన్ ను అనౌన్స్ చేయడంతో ఒక్కసారిగా మద్యం షాపుల ముందు భారీగా క్యూ కట్టేశారు. వైన్స్ షాపుల వద్ద మద్యం బాబులు బారులు తీరారు. మద్యం దుకాణాల వద్ద రద్దీ పెరిగింది. రాష్ట్రంలో మళ్లీ లాక్ డౌన్ విధించినట్లు ప్రకటన వెలువడిన కొద్ది నిమిషాల వ్యవధిలోనే మందు బాబులు ముందస్తుగానే మద్యం కొనుక్కుని ఇంట్లో పెట్టుకోవడానికి ప్రయత్నాలు మొదలు పెట్టారు. మద్యం దుకాణాలు కొనుగోలుదారులతో కిటకిటలాడుతున్నాయి. అటు వ్యాపారులు, ఇటు కొనుగోలుదారులు కోవిడ్‌ నిబంధ నలు పాటించడం లేదు. అధికారులు ఆంక్షలు విధించినప్పటికి షాపుల వద్ద వీటిని ఎవరూ పట్టించుకోవడంలేదు.

తెలంగాణలో లాక్‌డౌన్‌ విధిస్తూ రాష్ట్ర ప్ర‌భుత్వం నిర్ణ‌యం తీసుకుంది. రేప‌టి నుంచి ప‌దిరోజుల పాటు ఈ లాక్‌డౌన్‌ కొన‌సాగ‌నుంది. ప్ర‌తిరోజు ఉద‌యం 6 గంట‌ల నుంచి 10 గంట‌ల వ‌ర‌కు మాత్రం లాక్‌డౌన్‌ నుంచి మిన‌హాయింపు ఇచ్చారు. నిత్య‌వ‌స‌రాలు, ఇత‌ర వ‌స్తువుల కొనుగోలుకు ఈ స‌మ‌యంలో వెసులుబాటు క‌ల్పించారు. ఉద‌యం 10 గంట‌ల నుంచి మ‌రుస‌టి రోజు ఉద‌యం 6 గంట‌ల వ‌ర‌కు లాక్‌డౌన్ అమ‌లు కానుంది. ఈ స‌మ‌యంలో దాదాపు అన్ని కార్య‌క‌లాపాలు నిలిచిపోనున్నాయి. అత్య‌వ‌స‌ర సేవ‌ల‌ను మాత్ర‌మే అనుమ‌తించ‌నున్నారు.

హఠాత్తుగా లాక్ డౌన్ విధించడంపై తెలంగాణ హైకోర్టు ఆగ్రహం వ్యక్తం చేసింది. ఒక్కసారిగా రేపటి నుంచి లాక్ డౌన్ అని ప్రకటిస్తే... ఇంత తక్కువ సమయంలో ఇతర రాష్ట్రాల ప్రజలు వారి స్వస్థలాలకు ఎలా వెళ్తారని హైకోర్టు ప్రశ్నించింది. గత ఏడాది లాక్ డౌన్ వల్ల లక్షలాది మంది వలస కార్మికులు ఎన్నో ఇబ్బందులు పడగా.. ఈసారి అలాంటి ఇబ్బందులు పడకుండా చూడాలంటూ హైకోర్టులో పిటిషన్ దాఖలైంది.

ఈ పిటిషన్ ను విచారిస్తూ రాష్ట్ర ప్రభుత్వంపై హైకోర్టు అసహనం వ్యక్తం చేసింది. రోజువారీ కూలీ చేసుకుంటూ బతుకుతున్న వలస కార్మికుల కోసం ప్రభుత్వం ఏం చేస్తోందని ప్రశ్నించగా.. దీనికి సమాధానంగా ఇప్పటికే 50 శాతం మంది వలస కార్మికులు వాళ్ల సొంతూళ్లకు వెళ్లిపోయారని కోర్టుకు ఏజీ తెలిపారు. లాక్ డౌన్ సమయంలో సాయంత్రం వేళల్లో ఎలాంటి సడలింపులు ఉండవని ఏజీ చెప్పారు.

హైదరాబాద్: రాష్ట్రవ్యాప్తంగా నైట్ కర్ఫ్యూ విధించినప్పటికీ రాష్ట్రంలో కోవిడ్ వైరస్ తీవ్రత మరణాలు ఏ మాత్రం తగ్గక పోవడంతో తెలంగాణ ప్రభుత్వం బుధవారం ఉదయం నుంచి పది రోజుల పాటు రాష్ట్ర వ్యాప్తంగా లాక్ డౌన్ విధించాలని నిర్ణయం తీసుకుంది. గత కొన్ని రోజులుగా అనేక సంస్థలు, ప్రజా సంఘాలు తెలంగాణ హైకోర్టు కూడా లాక్ డౌన్ విధిస్తే తప్ప వైరస్ పరిస్థితి అదుపులోకి వచ్చే అవకాశం ఉండదు అన్న అభిప్రాయాన్ని వ్యక్తం చేస్తూ వచ్చాయి. ఈ నేపథ్యంలో మంగళవారం సమావేశమైన రాష్ట్ర మంత్రివర్గం ఈ అనివార్య నిర్ణయం తీసుకుంది. రాష్ట్రంలో లాక్ డౌన్ ప్రసక్తే లేదని ఇటు ముఖ్యమంత్రి కె.సి.ఆర్ తో పాటు ప్రభుత్వ ప్రధాన కార్యదర్శి కూడా పేర్కొన్న నేపథ్యంలో అనివార్య పరిష్టితుల మధ్య లాక్ డౌన్ విధించాల్సి వచ్చింది. బుధవారం ఉదయం 10 గంటల నుంచి రాత్రి 10 గంటల వరకు పూర్తి స్థాయిలో లాక్ డౌన్ అమలవుతుందని ప్రభుత్వం ప్రకటించింది. ఈ లాక్ డౌన్ అమలులో ఉన్న సమయంలో అత్యంత కఠిన చర్యలు తీసుకుంటామని ఉదయం ఆరు నుంచి 10 వరకు నిత్యావసరాల నిమిత్తం ప్రజలకు వెసులుబాటు కల్పిస్తామని ప్రభుత్వం తెలిపింది.

వ్యాక్సిన్ల కొరత తీవ్రంగా ఉన్నందున వీటి కొనుగోలుకు గ్లోబల్ టెండర్లు పిలవాలని కూడా క్యాబినెట్ ఈ సందర్బంగా నిర్ణయం తీసుకుంది. ఇదిలాఉండగా కరోనా వైరస్ తీవ్రతపై హైకోర్టు అత్యవసర దర్యాప్తును నిర్వహించింది. కోవిడ్ పరీక్షలు ఎందుకు తగ్గాయని నిలదీసింది. తమ ఆదేశాలను విస్మరిస్తే నోటీసులు జారీచేస్తామని హెచ్చరించింది. రాష్ట్ర సరిహద్దులలో అంబులెన్స్ లను ఎందుకు ఆపుతున్నారని కోర్టు ప్రశ్నించింది. పరిస్థితిని చక్కదిద్ధేందుకు లాక్ డౌన్ విధిస్తారా లేక ఆంక్షలను మరింత కట్టుదిట్టంగా అమలు చేస్తారా అంటూ ప్రభుత్వాన్ని అడిగింది. అసలు రాష్ట్రంలో లాక్ డౌన్ విధించాల్సిన అవసరమే లేదని ప్రభుత్వ ప్రధాన కార్యదర్శి తాము ఆదేశాలిచ్చిన రోజునే ఎలా చెబుతారని హై కోర్టు ప్రభుత్వాన్ని ప్రశ్నించింది. అలాగే రంజాన్ పండుగ అయిన తరువాతే లాక్ డౌన్ విధిస్తారా అంటూ హై కోర్టు అడగడంతో అడ్వకేట్ జనరల్ జోక్యం చేసుకొని క్యాబినెట్ సమావేశం జరుగుతోందని, ప్రభుత్వం తన నిర్ణయాన్ని ప్రకటిస్తుందని వెల్లడించారు. మంగళవారం ఉదయం నుంచి జరిగిన హై కోర్టు విచారణ నేపథ్యంలో ముఖ్యమంత్రి కె. సి. ఆర్ లాక్ డౌన్ వైపే మొగ్గుచూపారు.   

 తెలంగాణ ప్రభుత్వం కరోనా కట్టడికి కీలక నిర్ణయం తీసుకుంది. ప్ర‌గ‌తి భ‌వ‌న్‌లో ముఖ్య‌మంత్రి కేసీఆర్ అధ్య‌క్ష‌త‌న ప్రారంభమైన మంత్రివ‌ర్గ స‌మావేశంలో లాక్‌డౌన్‌పై కీల‌క నిర్ణ‌యం తీసుకున్నారు. క‌రోనా ఉధృతి దృష్ట్యా లాక్‌డౌన్‌తో పాటు త‌దిత‌ర అంశాల‌పై చ‌ర్చించి లాక్ డౌన్ ప్రకటించడమే మంచి నిర్ణయం అని భావించారు. తెలంగాణలో లాక్‌డౌన్‌ విధిస్తూ రాష్ట్ర ప్ర‌భుత్వం నిర్ణ‌యం తీసుకుంది. రేప‌టి నుంచి ప‌దిరోజుల పాటు ఈ లాక్‌డౌన్‌ కొన‌సాగ‌నుంది. ప్ర‌తిరోజు ఉద‌యం 6 గంట‌ల నుంచి 10 గంట‌ల వ‌ర‌కు మాత్రం లాక్‌డౌన్‌ నుంచి మిన‌హాయింపు ఇచ్చారు. నిత్య‌వ‌స‌రాలు, ఇత‌ర వ‌స్తువుల కొనుగోలుకు ఈ స‌మ‌యంలో వెసులుబాటు క‌ల్పించారు. ఉద‌యం 10 గంట‌ల నుంచి మ‌రుస‌టి రోజు ఉద‌యం 6 గంట‌ల వ‌ర‌కు లాక్‌డౌన్ అమ‌లు కానుంది. ఈ స‌మ‌యంలో దాదాపు అన్ని కార్య‌క‌లాపాలు నిలిచిపోనున్నాయి. అత్య‌వ‌స‌ర సేవ‌ల‌ను మాత్ర‌మే అనుమ‌తించ‌నున్నారు. రంజాన్ తర్వాత లాక్ డౌన్ ప్రకటిస్తారని అనుకున్నప్పటికీ.. దానికంటే ముందే లాక్ డౌన్ ప్రకటన వెలువడింది. రేపటి నుంచే లాక్ డౌన్ అమలు చేయాలని నేటి కేబినెట్ సమావేశంలో ఈ నిర్ణయం తీసుకుంది.

తెలంగాణలో గడచిన 24 గంటల్లో 65,923 కరోనా పరీక్షలు నిర్వహించగా 4,826 మందికి కరోనా సోకినట్టు నిర్ధారణ అయింది. జీహెచ్ఎంసీ పరిధిలో అత్యధికంగా 723 కొత్త కేసులు నమోదయ్యాయి. అత్యల్పంగా నారాయణ్ పేట్ జిల్లాలో 5 కేసులు గుర్తించారు. అదే సమయంలో 7,754 మంది కరోనా నుంచి కోలుకుని ఆరోగ్యవంతులు అవ్వగా.. 32 మంది మరణించారు. తెలంగాణలో ఇప్పటివరకు 5,02,187 పాజిటివ్ కేసులు నమోదు కాగా... 4,36,619 మంది కరోనా నుంచి విముక్తులయ్యారు. కరోనా మరణాల సంఖ్య 2,771కి చేరింది. ప్రస్తుతం దేశంలో రికవరీ రేటు 82.3 శాతం కాగా, తెలంగాణలో 86.94 శాతానికి పెరిగింది. టెస్టులు తక్కువగా చేస్తూ ఉండడమే తెలంగాణలో కరోనా కేసులు తక్కువగా నమోదవ్వడానికి కారణమనే విమర్శలు కూడా వినిపిస్తూ ఉన్నాయి. ముఖ్యంగా ఇతర రాష్ట్రాల్లో లాక్ డౌన్ ను అమలు చేస్తూ ఉంటే.. తెలంగాణలో మాత్రం అండర్ కంట్రోల్ అని చెప్పడం.. తీవ్ర విమర్శలకు తావిచ్చింది.  

తెలంగాణ‌లో  ఇదే టాపిక్. మ‌రి సీఎమ్మా మజాకానా. తెలంగాణ సీఎం కేసీఆర్ అంటే.. క‌రోనా మాత్రం భ‌య‌ప‌డదా చెప్పండి. వ‌ణికి పోవాల్సిందే. అదేంది.. క‌రోనాకి  సీఎం కేసీఆర్ కూడా వ‌ణికారు క‌దా. క‌రోనా రాగానే.. గ‌ప్ చుప్ అయిపోయారు క‌దా. స్టేట్ అంతా.. అదే డిస్క‌స్ చేసుకుంది క‌దా అన‌కండి. అది వేరు. ఇది వేరు. అదంటే  ఆయ‌న‌కి క‌రోనా వ‌చ్చింది కాబ‌ట్టి.. ఆయ‌న భ‌య‌ప‌డ్డారు. ఇప్పుడు క‌రోనా వ‌స్తున్న‌ది తెలంగాణ జ‌నాల‌కి క‌దా. ఇప్పుడు ఆయ‌నెందుకు భ‌య‌ప‌డ‌తారు చెప్పండి. లాజిక్ అర్దం అవుతోంది క‌దా. అద‌న్న‌మాట ముచ్చ‌ట‌. ఇదే డిస్క‌ష‌న్ అరుగుల మీద ఫుల్ గా న‌డుస్తోంది తెలంగాణ వ్యాప్తంగా. సీఎం కేసీఆర్ లాజిక్కులు, మ్యాజిక్కులు, మాయ మంత్రాల గురించి మాట్లాడుకుంటున్నారు. ఇన్ని తెలివితేట‌లు ఏంటి సార్ అంటున్నారు. జ‌నాల ప్రాణాలు తీసేదాకా మీరు నిద్ర‌పోయేలా లేరు క‌దా అని కామెంట్స్ చేస్తున్నారు.

ఎందుకో  తెలుసా. సీఎం కేసీఆర్ క్లియ‌ర్ గా చెప్పారు. లాక్ డౌన్ ఉండ‌దు అని. మ‌రి కేసులు విప‌రీతంగా  పెరుగుతుంటే లాక్ డౌన్ పెట్ట‌కుంటే బాగోదు క‌దా. అందుకే.. లాక్ డౌన్ పెట్ట‌కుండా ఉండాలంటే  కేసులు త‌గ్గాలి. కేసుల త‌గ్గాలి అంటే ట్రీట్మెంట్  మంచిగ తీసుకోవాలి. లేదంటే లాక్ డౌన్ పెట్టాలి. లాక్ డౌన్ పెడితే ఆర్థికంగా  న‌ష్టం..  కేసులు త‌గ్గేలా ట్రీట్మెంట్ ఇచ్చేంత సీన్ లేదు. మ‌రి అప్పుడు ఏం చేయాలి. కేసులు త‌గ్గాలి. మ‌రి కేసులు ఎట్టా త‌గ్గుత‌య్ అంటే టెస్టులు ఆపాలి.

టెస్టులు త‌గ్గించినా కేసులు ఫుల్ గానే వ‌స్తున్న‌య్ క‌దా అంటారా. అప్పుడు కేసుల నంబ‌ర్ త‌గ్గించాలి. ఫైన‌ల్ ఆప్ష‌న్ అదే క‌దా మ‌రి. అంతే.. సింపుల్. ఆరోగ్య శాఖ సీఎం  చేతిలోకి రాగానే.. కేసులు త‌గ్గిపోయాయి. సో.. ఈటెల రాజేంద‌ర్ హాస్పిట‌ల్ హాస్పిట‌ల్ కీ తిరిగి.. ప‌రిస్థితులు  చూసినా త‌గ్గ‌ని కేసులు. జ‌స్ట్ శాఖ సీఎం కేసీఆర్ చేతిలోకి రాగానే త‌గ్గిపోయాయి. అంటే.. సీఎం కేసీఆర్ ఎంత ప‌వ‌ర్ ఫుల్లో అర్దం చేసుకోవ‌చ్చు క‌దా. పైగా లాక్ డౌన్ పెట్టాల్సిన అస‌వ‌రం ఉండ‌దు.  క‌దా. ఓహో.. అందుకేనా.. నాలుగు రోజులుగా స‌గానికి స‌గం క‌రోనా కేసులు త‌గ్గాయి తెలంగాణ‌లో అంటూ కామెంట్స్ చేస్తున్నారు జ‌నాలు.