newssting
BITING NEWS :
*దేశంలో కరోనా కేసుల కలకలం.. 18లక్షల 4 వేల 258 మరణాలు 38,158*ఏపీలో గత 24 గంట‌ల్లో కొత్తగా 8,555 పాజిటివ్ కేసులు న‌మోదు, 69 మంది మృతి, 1,55,869కి చేరిన పాజిటివ్ కేసులు.. ఇప్ప‌టి వ‌ర‌కు 1,474 మంది మృతి *విశాఖ‌: షిప్ యార్డ్ ప్రమాద ఘటనలో మృతులకు 50 లక్షల పరిహారం... 35 లక్షలు షిప్ యార్డ్ యాజమాన్యం, 15 లక్షలు ఏపీ ప్రభుత్వం *నల్గొండ అనుముల (మం) హాజరి గూడెం గ్రామంలో ఓకే కుటుంబంనికి చెందిన ఇద్దరు అన్నదమ్ములను హత్య చేసిన గుర్తు తెలియని దుండగులు..పాత పాత కక్షలే కారణం అంటున్న స్థానికులు*అనంతపురం జిల్లాలో ఇవాళ రికార్డు స్థాయిలో డిశ్చార్జిలు.. ఇవాళ ఒక్క రోజే జిల్లాలో కరోనా వైరస్ నుంచి కోలుకుని 1454 మంది డిశ్చార్జి*కేరళ గోల్డ్ స్కామ్‌లో మరో ఆరుగురు అరెస్ట్..10కి చేరిన కేరళ గోల్డ్ స్కామ్ అరెస్టులు*హోం మంత్రి అమిత్ షాకు కరోనా పాజిటివ్..స్వయంగా సోషల్ మీడియాలో ప్రకటించిన మంత్రి..హాస్పిటల్ లో చేరినట్టు పేర్కొన్న అమిత్ షా*ప.గో : పాలకొల్లులో 6,30,000 విలువ చేసే నిషేధిత గుట్కా, ఖైనీ, సిగెరెట్ లను స్వాధీనం చేసుకున్న పోలీసులు..నలుగురు వ్యక్తులు అరెస్ట్ ఒక కార్ సీజ్*గచ్చిబౌలి టిమ్స్ ను పరిశీలించిన మంత్రి ఈటల రాజేందర్. టిమ్స్ లో మొక్కలు నాటిన మంత్రి ఈటల. ఫార్మసీ, డైనింగ్ రూమ్, క్యాంటిన్లను పరిశీలించిన మంత్రి ఈటల

కోలుకున్నా కనికరించని కుటుంబీకులు

02-07-202002-07-2020 19:03:00 IST
Updated On 03-07-2020 10:36:11 ISTUpdated On 03-07-20202020-07-02T13:33:00.278Z02-07-2020 2020-07-02T13:29:54.536Z - 2020-07-03T05:06:11.108Z - 03-07-2020

కోలుకున్నా కనికరించని కుటుంబీకులు
facebooktwitterGooglewhatsappwhatsappGoogle
ప్రపంచం మొత్తం బిక్కుబిక్కుమంటుంటే ఈ మాయదారి వైరస్ నుంచి కోలుకున్నా వారిని  ఇంటికి తీసుకెళ్లేందుకు సొంత వారే నిరాకరిస్తున్నారు. మానవ సంబంధాలను ప్రశ్నార్థకం చేస్తు హైదరాబాద్ లో ఈ సంఘటన నెలకొంది. ఇటీవల కరోనా బారిన పడి గాంధీ ఆసుపత్రికి వచ్చినవారిలో చికిత్స పొంది పూర్తిగా కోలుకున్నా అనేకమందిని కుటుంబసభ్యులు తీసుకెళ్లకుండ ముఖం చాటేస్తున్నారు. గత రెండువారాలుగా 30 మంది వరకు ఆసుపత్రిలోనే ఉండిపోయారు.

వారిలో కొందరు వృద్ధులు కాగా మరికొందరు దీర్ఘకాలిక వ్యాధిగ్రస్తులు ఉండగా మరికొందరు పక్షవాతంతో బాధపడేవారు, మానసిక సమస్యలు ఉన్నవారున్నారు. మీకు కరోనా తగ్గిపోయింది.. వైరస్‌ లేదు. ఇక ఇంటికి వెళ్లవచ్చని వైద్యులు చెప్పడంతో ఎంతో ఆనందించారు. హాయిగా విశ్రాంతి తీసుకోవచ్చని, తమవారు వచ్చి అక్కున చేర్చుకుంటారని ఆశించారు... కానీ రోజులు గడిచినా వారి ఆశ తీరలేదు. 

అప్పుడే ఇంటికి వద్దంటూ అయినవారు విముఖత చూపుతుండటంతో తల్లడిల్లుతున్నారు. ఇప్పటికే పలుమార్లు వారి కుటుంబ సభ్యులకు సమాచారం ఇచ్చిన రకరకాల కారణాలు చూపి తీసుకెళ్లేందుకు నిరాకరిస్తున్నారు’ అని గాంధీ ఆస్పత్రి సూపరింటెండెంట్‌ రాజారావు తెలిపారు. దీనితో వేరేదారి లేక ఆసుపత్రిలోనే ఉంచి వారికి సిబ్బంది సపర్యలు చేస్తున్నారు. అయితే గత కొన్ని రోజులుగా గాంధీ దవాఖానకు కరోనా రోగుల తాకిడి పెరుగుతోంది. వారికి సేవలు అందించడానికే ఉన్న సిబ్బంది సరిపోవడం లేదని ఆస్పత్రి సుపరిండెంట్ తెలిపారు. ఇక కోలుకున్నవారిని సైతం ఇక్కడే పెట్టుకోవడం ప్రమాదమని వైద్యులు పేర్కొంటున్నారు. 

ఇప్పటికే వారంతా కరోనా లేకపోయినా వివిధ దీర్ఘకాలిక అనారోగ్య సమస్యలతో సతమతమవుతున్నారు. మళ్లీ వైరస్‌ సోకే ప్రమాదం ఉందని, తక్షణం ఇళ్లకు తీసుకెళ్లాలని డాక్టర్లు  సూచిస్తున్నారు. కరోనా నుంచి కోలుకున్నవారిని తీసుకెళ్లే విషయంలో వారి కుటుంబసభ్యులు ఒక్కొక్కరు ఒక్కో కారణాన్ని చూపిస్తున్నారు. తమ ఇంట్లో ఒకే గది ఉందని.. చిన్న పిల్లలు ఉన్నారని, వైరస్‌ తమకు కూడా సోకే ప్రమాదం ఉందంటూ పేర్కొంటున్నారు. 

మరికొన్ని రోజులు ఆసుపత్రిలో ఉండటం వల్ల వారి ఆరోగ్యానికి భరోసాగా ఉంటుందని ఇంకొందరు భావిస్తున్నారు. లాక్‌డౌన్‌ ప్రభావం వల్ల చాలామందికి ఉపాధి కరవైంది. కుటుంబ పోషణే భారంగా మారుతోందని వారి కుటుంబ సభ్యులు అంటున్నారు. అద్దెలు చెల్లించలేని స్థితిలో ఉన్నారు. 

ఇంట్లో కుటుంబ సభ్యులెవరైనా అనారోగ్యం పాలైతే పట్టించుకునే దిక్కు ఉండటం లేదు. వైరస్‌ సోకితే మరింత కుంగిపోతున్నారు. కొన్నిసార్లు కడ చూపునకు కూడా నోచుకోలేని స్థితిలో చాలామంది మృతదేహాలను జీహెచ్‌ఎంసీ సిబ్బందే దహనం చేస్తున్నారు.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle