newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

కిషన్ రెడ్డి సీఎం అవుతారా? కేంద్రమంత్రి కామెంట్లపై హాట్ డిస్కషన్

21-01-202021-01-2020 09:23:43 IST
Updated On 21-01-2020 10:51:26 ISTUpdated On 21-01-20202020-01-21T03:53:43.335Z21-01-2020 2020-01-21T03:53:38.661Z - 2020-01-21T05:21:26.216Z - 21-01-2020

కిషన్ రెడ్డి సీఎం అవుతారా? కేంద్రమంత్రి కామెంట్లపై హాట్ డిస్కషన్
facebooktwitterGooglewhatsappwhatsappGoogle
తెలంగాణలో బీజేపీ తన ప్రాధాన్యతను పెంచుకుంటోంది. గతంలో కంటే ఓటు బ్యాంకు పెరిగింది. ఇటీవల జరిగిన లోక్ సభ ఎన్నికల్లో సికింద్రాబాద్, కరీంనగర్, నిజామాబాద్, ఆదిలాబాద్ సీట్లను బీజేపీ గెలుచుకుంది. కేంద్రమంత్రిపదవుల్లో సికింద్రాబాద్ ఎంపీ కిషన్ రెడ్డికి కీలకమయిన హోంశాఖ సహాయమంత్రి పదవి లభించింది. తాజాగా కిషన్ రెడ్డి చేసిన కామెంట్లు హాట్ టాపిక్ అవుతున్నాయి. 

‘‘తెలంగాణలో కేసీఆర్ తర్వాత సీఎం నేనే కావొచ్చు’’ అంటూ కేంద్ర హోంశాఖ సహాయమంత్రి కిషన్ రెడ్డి చేసిన వ్యాఖ్యలు చర్చకు దారితీస్తున్నాయి. మునిసిపల్ ఎన్నికలు జరుగుతున్న తరుణంలో ఆయన చేసిన వ్యాఖ్యలను బీజేపీ నేతలు సైతం సీరియస్ గా తీసుకుంటున్నారు. మునిసిపల్ ఎన్నికల్లో భాగంగా అభ్యర్థుల తరఫున ప్రచారం నిర్వహించిన కిషన్ రెడ్డి.. 2024లో రాష్ట్రంలో బీజేపీ అధికారంలోకి వస్తుందని, సీఎం అభ్యర్థి ఎవరనేది జాతీయ నాయకత్వమే నిర్ణయిస్తుందని చెప్పారు.

ఈ సందర్భంగా కిషన్ రెడ్డి తన మనసులో మాటను బయటపెట్టారు.  ‘నేనే సీఎం కావచ్చు’ లేదా సాధారణ కార్యకర్త అయినా కావచ్చంటూ వ్యాఖ్యలు చేశారు. అయితే.. తాను సీఎం అభ్యర్థి అంటూ జరుగుతున్న ప్రచారం ఊహాజనితమేనని.. అందులో నిజం లేదని కిషన్ రెడ్డి పేర్కొనడం విశేషం.

తెలంగాణలో అమలు చేస్తున్న అనేక పథకాలకు కేంద్రమే నిధులు ఇస్తోందని, ఏమీ ఇవ్వడం లేదని కేసీయార్, కేటీఆర్ దుష్ర్పచారం చేస్తున్నారని కిషన్ రెడ్డి అంటున్నారు. దేశానికి రెండో రాజధానిగా హైదరాబాద్‌ను చేయాలనే ప్రతిపాదన ఏదీ కేంద్రం వద్ద లేదని స్పష్టం చేశారు.

ఇదిలా ఉంటే సీఎం అభ్యర్థిపై కిషన్ రెడ్డి చేసిన వ్యాఖ్యలను బీజేపీ అధిష్టానం ఎలా పరిగణిస్తుందో చూడాలి. 2024లో అధికారమే లక్ష్యంగా బీజేపీ పావులు కదుపుతోందనడానికి ఇది నిదర్శనంగా చెబుతున్నారు. మునిసిపల్ ఎన్నికల సందర్భంగా బీజేపీ అభ్యర్ధులు తమ అదృష్టాన్ని పరీక్షించుకుంటున్నారు.

అనేక మునిసిపాలిటీలలో బీజేపీ అభ్యర్ధులు భారీగానే పోటీచేస్తున్నారు. ఒక విధంగా చెప్పాలంటే బీజేపీకి ఇది పరీక్ష లాంటిది. అసెంబ్లీలో ఒక్క స్థానానికే పరిమితం అయిన బీజేపీ లోక్ సభలో నాలుగు సీట్లకు ఎదిగింది. మునిసిపాలిటీ, స్థానిక సంస్థల ఎన్నికల్లో బలపడితే 2024 నాటికి బీజేపీ బలమయిన శక్తి కావచ్చని రాజకీయ విశ్లేషకులు భావిస్తున్నారు. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle