newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

రాజీనామాలు.. బుజ్జగింపులు..ఎదురుచూపులు

15-07-201915-07-2019 08:00:05 IST
Updated On 15-07-2019 11:45:03 ISTUpdated On 15-07-20192019-07-15T02:30:05.924Z15-07-2019 2019-07-15T02:28:53.719Z - 2019-07-15T06:15:03.022Z - 15-07-2019

 రాజీనామాలు.. బుజ్జగింపులు..ఎదురుచూపులు
facebooktwitterGooglewhatsappwhatsappGoogle
కర్నాటక రాజకీయం రంగులు మారుతోంది. అధికారం నిలుపుకునేందుకు కాంగ్రెస్-జేడీఎస్ పోరాటం చేస్తుంటే.. అధికారం ఎలాగైనా చేజిక్కుంచుకునేందుకు బీజేపీ ఆరాటపడుతోంది. ఓ వైపు కొనసాగుతున్న బుజ్జగింపు ప్రయత్నాలు.. మరోవైపు భారతీయ జనతా పార్టీవైపు వస్తున్న ఒత్తిడి నేపథ్యంలో కాంగ్రెస్‌-జేడీఎస్‌ నేతల మధ్య కీలక భేటీ ప్రాధాన్యత పెరిగింది.

Image result for karnataka Mlas in mumbai temples

కుమారకృప అతిథి గృహంలో జరిగిన ఈ భేటీకి జేడీఎస్‌ నుంచి ముఖ్యమంత్రి కుమారస్వామి, కాంగ్రెస్‌ నుంచి మాజీ సీఎం సిద్ధ రామయ్య, సీనియర్‌ నేతలు మల్లికార్జున ఖర్గే, దినేశ్‌ గుండూరావు తదితరులు హాజరయ్యారు. 

తాజా రాజకీయ పరిణామాలతో పాటు అనుసరించాల్సిన వ్యూహాలపై కీలకంగా చర్చించారు. అసెంబ్లీలో విశ్వాస పరీక్ష ఎదురైతే ఎలా ముందుకెళ్లాలన్న దానిపై చర్చలు జరిపారు. విశ్వాసపరీక్ష పెట్టాలని బీజేపీ వత్తిడి తెస్తోంది.  అసంతృప్త ఎమ్మెల్యేలతో చర్చలు కొనసాగుతున్నాయి.

చర్చల అనంతరం మెత్తబడిన ఎమ్మెల్యే ఎంబీటీ నాగరాజు యూటర్న్‌ తీసుకుని అసంతృప్త ఎమ్మెల్యేల శిబిరంలో చేరేందుకు వెళ్లడంతో వారి ప్రయత్నాలు మళ్లీ మొదటి కొచ్చాయి. 15 మంది కాంగ్రెస్‌-జేడీఎస్‌ ఎమ్మెల్యేలు రాజీనామా చేసినా, కుమారస్వామి ప్రభుత్వం నడపడంపై యడ్యూరప్ప మండిపడుతున్నారు. 

కుమారస్వామి తక్షణమే రాజీనామా చేయాలని ఆ పార్టీ రాష్ట్ర అధ్యక్షుడు, మాజీ సీఎం యడ్యూరప్ప డిమాండ్‌ చేశారు. ఈ నేపథ్యంలో బుజ్జగించిన ఎమ్మెల్యేలను దారితెచ్చుకోవడంతో పాటు విశ్వాస పరీక్షను ఏవిధంగా ఎదుర్కోవాలన్న దానిపై కాంగ్రెస్‌-జేడీఎస్‌ నేతలు తలమునకలయ్యారు. మరోవైపు తమ రాజీనామాలపై స్పీకర్ ఏం నిర్ణయం తీసుకుంటారోనని ఎమ్మెల్యేలు ఎదురుచూస్తున్నారు. మహారాష్ట్ర క్యాంపులో వున్న అసంతృప్త ఎమ్మెల్యేలు గుళ్ళూగోపురాలు తిరుగుతున్నారు. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle