newssting
BITING NEWS :
*మహారాష్ట్రలో రాష్ట్రపతి పాలన* Ap గవర్నర్‌ను కలిసిన జనసేన అధినేత పవన్ కల్యాణ్.. ఇసుక కొరత, ఇంగ్లీష్ మీడియం, కార్మికుల సమస్యలపై చర్చ*ఉపరాష్ట్రపతి వెంకయ్యనాయుడుపై సీఎం జగన్‌ వ్యాఖ్యలు ఖండిస్తున్నా..కన్నా లక్ష్మీనారాయణ *శివసేన గడువును తిరస్కరించిన గవర్నర్‌...మూడో పెద్దపార్టీగా ఎన్సీపీని ప్రభుత్వ ఏర్పాటుకు గవర్నర్‌ ఆహ్వానం*కేంద్ర ఆర్థిక మంత్రి నిర్మలా సీతారామన్‌ని కలిసిన ఏపీ ఆర్థికమంత్రి బుగ్గన రాజేంద్రనాథ్ రెడ్డి *ఏపీ కొత్త సీఎస్ గా నీలం సహాని...కేంద్రం నుంచి నీలం సహాని రిలీవ్*మహారాష్ట్ర: నేడు ఎమ్మెల్యేలతో ఎన్సీపీ అధినేత శరద్‌పవార్ భేటీ.. శివసేనకు మద్దతిచ్చే అంశంపై చర్చ*తెలంగాణలో 39వ రోజుకు చేరిన ఆర్టీసీ కార్మికుల సమ్మె.. నేడు గవర్నర్‌ను కలవనున్న జేఏసీ నేతలు*గుంటూరు జిల్లాలో ఘోర ప్రమాదం..జనం మీదకు దూసుకెళ్లిన లారీ... ముగ్గురి మృతి..ఐదుగురికి గాయాలు

రజనీకి వలవేసిన బీజేపీ.. వర్కవుట్ అవుతుందా?

19-08-201919-08-2019 09:24:39 IST
Updated On 20-08-2019 11:26:08 ISTUpdated On 20-08-20192019-08-19T03:54:39.927Z19-08-2019 2019-08-19T03:53:33.089Z - 2019-08-20T05:56:08.098Z - 20-08-2019

 రజనీకి వలవేసిన బీజేపీ.. వర్కవుట్ అవుతుందా?
facebooktwitterGooglewhatsappwhatsappGoogle
తమిళ సూపర్ స్టార్ రజనీకాంత్ దారెటు. ఆయన చూపులు కమలం వైపు వున్నాయని తాజా పరిణామాలను బట్టి తెలుస్తున్నాయి. తమిళనాడులో త్వరలో అసెంబ్లీ ఎన్నికలు జరగనున్నాయి. ఈ నేపథ్యంలో బీజేపీ నేతలు కీలక నేతలకు వల వేస్తున్నారు. సూపర్‌స్టార్‌ రజనీకాంత్‌ ను తమవైపు తిప్పుకునే పనిలో బిజీగా ఉంది. కర్నాటకలో అధికారం చేజిక్కుంచుకున్న బీజేపీ తమిళనాడునూ తమ ఆధీనంలోకి తెచ్చుకునేందుకు కొత్త ఎత్తులు వేస్తోంది. 

ఎప్పటినుంచో రజనీకాంత్‌ సొంతంగా పార్టీ ప్రారంభించాలని భావిస్తున్నారు. అయితే స్వంత పార్టీ కంటే బీజేపీలో చేరితే పార్టీ పగ్గాలు అప్పగించడంతోపాటు ముఖ్యమంత్రి అభ్యర్థిగా ప్రకటిస్తామని కేంద్ర హోంశాఖ మంత్రి అమిత్‌షా ఆఫర్‌ ఇచ్చినట్టు వార్తలు వెలువడడంతో తమిళనాడు రాజకీయాలు వేడెక్కాయి.

2023 నాటికి దక్షిణాదిన తెలంగాణలో అధికారంతో పాటు తమిళనాడులోనూ చెప్పుకోదగ్గ సీట్లు సాధించే దిశగా అడుగులు వేస్తోంది బీజేపీ. ఏడాదిన్నర క్రితం పార్టీని స్థాపించి లోక్‌సభ ఎన్నికల్లో పోటీచేసిన నటుడు కమల్‌హాసన్‌ నేతృత్వంలోని ‘మక్కల్‌ నీది మయ్యం’ ఆశించిన రీతిలో ఓట్లను రాబట్టుకోలేకపోయింది.

దీంతో త్వరలో జరగనున్న స్థానిక ఎన్నికల్లో ఓట్ల శాతాన్ని మెరుగుపరుచుకొని శాసనసభ ఎన్నికల్లో బలమైన పార్టీగా అవతరించాలని కమల్‌ భావిస్తున్నారు.

కమల్ ఆలోచన అలా ఉంటే ..రజనీకాంత్ కూడా వ్యూహాత్మకంగా వ్యవహరిస్తున్నారు. తన టార్గెట్ శాసనసభ ఎన్నికలేనని సూపర్‌స్టార్‌ రజనీకాంత్‌ ప్రకటించడంతో త్వరలోనే ఆయన సొంతంగా పార్టీ స్థాపిస్తారని అభిమానులు ఆశగా ఎదురుచూస్తున్నారు.

ఈ నేపథ్యంలో ఇటీవల నగరంలో జరిగిన కార్యక్రమంలో ప్రధాని నరేంద్ర మోదీ, అమిత్‌ షాలను కృష్ణార్జునులతో పోల్చడం హాట్‌టాపిక్‌ అవుతోంది.

రజనీకాంత్‌ బీజేపీకి దగ్గరవుతున్నట్టు రాజకీయ విశ్లేషకులు భావిస్తున్నారు. గతంలోనూ పలు సందర్భాలలో రజనీ ప్రధాని మోదీ పాలనను అభినందించిన విషయాలను కూడా వారు ఈ సందర్భంగా ప్రస్తావిస్తున్నారు.

కశ్మీర్‌ వ్యవహారంలో బీజేపీ ప్రభుత్వం తీసుకున్న సంచలనాత్మక నిర్ణయాన్ని ప్రశంసిస్తూ, మోదీ, అమిత్‌షాలను రజనీకాంత్‌ పొగడ్తలతో ముంచెత్తడం వెనుక రజనీ ఆలోచనను రాజకీయ విశ్లేషకులు ఉటంకిస్తున్నారు. రజనీ ఇమేజ్ బీజేపీకి ప్లస్ అవుతుందేమో చూడాలి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle