newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

హోదాల్ని మరచి... హుందాతనాల్ని వదిలేసి..!

11-02-201911-02-2019 11:26:24 IST
Updated On 11-02-2019 11:47:19 ISTUpdated On 11-02-20192019-02-11T05:56:24.416Z11-02-2019 2019-02-11T05:56:20.072Z - 2019-02-11T06:17:19.139Z - 11-02-2019

హోదాల్ని మరచి... హుందాతనాల్ని వదిలేసి..!
facebooktwitterGooglewhatsappwhatsappGoogle
హోదాలను మరచి, హుందాతనాల్ని వదిలేసి ఒక ప్రధాని-మరో ముఖ్యమంత్రి చేసిన చేష్టలు, మాట్లాడిన మాటలు నేలబారు రాజకీయాల్ని తలపించాయి. ఆదివారం తెలుగు నేల సాక్షిగా జరిగిపోయిన ఈ మాటల యుద్ధంలో ఒకర్ని మించి మరొకరు విమర్శల పేరుతో వ్యక్తిగత జీవితాల్ని కూడా బయటకీడ్చుకోవడం ఒకానొక  సిగ్గుమాలిన పని. రాజ్యాంగబద్ధమైన హోదాలు ఇచ్చిన గౌరవాల్ని పక్కనపడేశారు.

ఆంధ్ర ప్రదేశ్ రాష్ట్రానికి దాదాపు సంవత్సరం తరువాత మోడీ వచ్చారు. బాబు ఎన్డీయే నుంచి బయటకు వచ్చిన తరువాత జరిగిన మొదటి పర్యటన కాబట్టి సహజంగానే రాజకీయాసక్తిని కలిగించింది. మోడీ ఒక  ప్రధానిగా విశాఖలో పర్యటిస్తే , పార్టీ నాయకుడిగా గుంటూరులో పర్యటించారు. విశాఖ పర్యటన అధికారికం కాబట్టి అక్కడి కారక్రమాల్లో ముఖ్యమంత్రి పేరును చేర్చి ఉండాల్సింది. అలా జరగకపోవడం సహజంగానే చంద్రబాబుకు ఆగ్రహాన్ని తెప్పించింది. 

అయితే ఇదే చంద్రబాబు రాష్ట్రానికి వస్తున్న మోడీని ఎద్దేవా చేశారు. "ఏ ముఖం పెట్టుకుని వస్తారంటూ"ప్రశ్నించారు. ‘గో బ్యాక్ మోడీ’ అన్న రాతలు రాసి పెద్దపెద్ద హోర్డింగులు పెట్టించారు. కరపత్రాల్ని పంచారు. నల్ల బ్యాడ్జీలతో నిరసన వ్యక్తం చేశారు. మోడీ ఫ్లెక్సీలను చించి హంగామా సృష్టించారు. విమానాశ్రయానికి స్వయంగా ఆహ్వానించి వెంట తీసుకురావాల్సిన సంప్రదాయాన్ని పూర్తిగా పక్కనపడేసి కనీసం అక్కడికి తన కాబినెట్ సహచరుణ్ణి కూడా పంపలేదు. పైగా దీనికి పెద్ద రాజకీయ రంగును పులిమి ప్రత్యేక హోదాతో జమకట్టారు. ఒక రాష్ట్ర ముఖ్యమంత్రి స్థాయిని కిందపడేసి చంద్రబాబు చేసిన  వ్యవహారం విమర్శలకు తావిచ్చింది. 

ఇక మోడీ తన  ‘సన్ రైజింగ్’ వ్యాఖ్యలతో చంద్రబాబు రాష్ట్ర అభివృద్ధిని పక్కనపడేసి కొడుకు అభివృద్ధి కోసం ప్రయత్నిస్తున్నారంటూ దుయ్యబట్టారు. దీంతో చంద్రబాబు హడావుడిగా మీడియాను పిలిచి తాను రెండాకులు ఎక్కువే చదివానన్నట్లు ఏకంగా మోడీ భార్యను పట్టించుకోని, కుటుంబ విలువలు తెలియని మనిషంటూ కస్సుమన్నారు. మోడీ వ్యక్తిగతంగా విమర్శించడం వల్లనే తానూ ఈ మాటలు అనాల్సి వచ్చిందంటూ సమర్ధించుకున్నారు. దీంతో వ్యవహారం మొత్తం పక్కదారిపట్టింది. 

ఎంత రాజకీయ విబేధం ఉన్నా ఒక ప్రధాని రాష్ట్రానికి వచ్చినపుడు ముఖ్యమంత్రి స్వాగతం పలకడం విద్యుక్త ధర్మం. ఎడమొహం పెడమొహంగా ఉండైనా తన ధర్మాన్ని నిర్వర్తించాలి. ప్రధాని అధికారిక కార్యక్రమాల్లో విధిగా పాల్గొనాలి. మోడీ అధికారిక కార్యక్రమాల్లో పాల్గొన్నంతవరకూ ఆయన ఒక ప్రధాని. అవి పూర్తయిన తరువాత ఆయన పార్టీ కార్యక్రమాల్లో  బీజేపీ నాయకుడు. ఇక ఇక్కడ ఒక పార్టీ నాయకుడిగా మోడీ చేసిన వ్యాఖ్యలను మరో పార్టీ అధ్యక్షుడి స్థాయిలో విమర్శించవచ్చు. కానీ నలభై ఏళ్ళ రాజకీయ అనుభవం ఉన్న చంద్రబాబు ఒక పార్టీ అధ్యక్షుడికి, ముఖ్యమంత్రికి మధ్యన ఉండవలసిన తేడాను పూర్తిగా చెరిపేసారు. మోడీ కూడా తక్కువేమీ తినలేదు. అసలు రాష్ట్రానికి వచ్చిందే చంద్రబాబు మీద అవాకులు చెవాకులు పేలడానికే అన్నట్లు ప్రవర్తించి ఒక ప్రధాన మంత్రి స్థాయిని కూడా దిగజార్చిపారేశారు. 

కేంద్ర రాష్ట్ర సంబంధాలు పూర్తిగా క్షీణించి చాలాకాలమైంది. కేంద్రం పెత్తనాలు , జోక్యాలు ఎక్కువయ్యాయి. వాటి మధ్య సుహృద్భావ వాతావరణం లేదు. రాష్ట్రాల హక్కుల్ని హరించివేస్తున్నాయన్న ఆరోపణలూ పాతవే. ఇటువంటి విషయాల్లో రాష్ట్రాలు నిర్ణయాత్మకంగా ఉండి, తమ హక్కులు సాధించుకోవడానికి పోరాడాల్సిందే.

అయితే ఈ క్రమంలో జరుగుతున్న వ్యవహారాలు రాజకీయాల స్థాయిని దిగజార్చి, ఆయా పదవులు చేపట్టిన వారు తమ హోదాల్ని మరిచిపోయేలా చేయడమే విచారించవలసిన విషయం. మోడీ అహంకారపూరిత ధోరణిని కూడా ప్రజలు గమనిస్తూనే ఉన్నారు. రాష్ట్రాల్ని తన పార్టీ రాజకీయపటంలోకి చేర్చడానికి ఆయన వ్యవహారశైలి, భావజాలం అన్నీ చౌకబారుతనాన్ని తలపిస్తున్నాయి. 

మొత్తం మీద ఆదివారంనాడు ఆంధ్రప్రదేశ్ దూషణభూషణలతో దద్దరిల్లిపోయింది. అటు మోడీ ఢిల్లీకి వెళ్ళిపోతే... బాబు తన ధర్మపోరాట దీక్షా వేదికను అదే ఢిల్లీలో సోమవారం మొదలుపెట్టి రాజకీయవేదికను అక్కడికే మార్చివేశారు. 



      040 23600300

newsting
Daily Updates
facebooktwitterGooglewhatsappwhatsappGoogle