newssting
BITING NEWS :
* కరోనా నెగిటివ్ రిపోర్టుతో వ‌చ్చిన‌వారికి మాత్ర‌మే గోవాలోకి అనుమ‌తి *భ‌ద్రాద్రి: నేటి నుంచి మూడు రోజుల పాటు దేశ‌వ్యాప్త బొగ్గుగ‌నుల స‌మ్మె*ఏపీ: క‌రోనా తీవ్ర‌త దృష్ట్యా ఆన్‌లైన్‌లోనే హైకోర్టులో కేసుల విచార‌ణ‌.. నేటి నుంచి ఈ నెల 13వ తేదీ వ‌ర‌కు వీడియోకాన్ఫ‌రెన్స్ ద్వారా కేసుల విచార‌ణ*తూర్పుగోదావరి జిల్లా : కరోనా వ్యాప్తి విజృంభిస్తున్న నేపథ్యంలో నేటి నుండి జిల్లాలో ఆర్టీసీ బస్సు సర్వీసులు తగ్గింపు *ఛత్తీస్ గడ్: రాజానందగావ్ జిల్లాలో భద్రతాదళాలకు మావోయిస్టులకు మధ్య ఎదురుకాల్పులు. చూరియా సర్కిల్ పరిధి కటెంగా అటవీప్రాంతంలో జిల్లా పోలీసులు, డిఆర్జీ, ఐటిబిపి సిబ్బంది, మావోయిస్టుల ఏరివేతకు కూబింగ్... కాల్పులు. ప్లాటూన్ 1 డివిసి కమాండర్ డేవిడ్ అలియాస్ ఉమేష్ అనే మావోయిస్టు మృతి *ప్రభుత్వ బంగ్లాను ఖాళీ చేయాలని ప్రియాంక గాంధీకి కేంద్రం నోటీసు. ఆగష్టు 1 లోపు ప్రభుత్వ బంగ్లా ఖాళీ చేయాలని ఆదేశం*తెలంగాణలో ఈరోజు 1018 కరోనా కేసులు. కరోనాతో ఇవాళ ఏడుగురు మృతి. ఇవాళ ఒక్క హైదరాబాద్ లోనే 881 పాజిటివ్ కేసులు నమోదు. తెలంగాణలో మొత్తం 17,357 కరోనా కేసులు నమోదు *గుంటూరు జీజీహెచ్ నుంచి అచ్చెన్నాయుడు డిశ్చార్జ్. అచ్చెన్నాయుడు కోలుకున్నారని వైద్యుల రిపోర్ట్. అచ్చెన్నాయుడిని విజయవాడ సబ్ జైలుకు తరలింపు*తెలంగాణ ఇంటర్ బోర్డులో కరోనా కలకలం. పలువురు అధికారులకు సోకిన కరోనా. మిగతా ఉద్యోగులకు టెస్టులు చేయించిన అధికారులు. 18 మంది ఉద్యోగులకు కరోనా పాజిటివ్ *పిల్లి సుభాష్, మోపిదేవి ఎమ్మెల్సీ పదవుల రాజీనామాలు ఆమోదం. నోటిఫికేషన్ జారీ చేసిన అసెంబ్లీ కార్యదర్శి బాలకృష్ణమాచార్యులు. ఎమ్మెల్యే కోటా ఎమ్మెల్సీల్లో రెండు స్థానాలు ఖాళీ*సింగరేణి సీఎండీపై సెంట్రల్ విజిలెన్స్ కమిషన్ కేసు నమోదు. శ్రీరాంపూర్ ఓపెన్ కాస్ట్ లో రూ. 200 కోట్ల డీజిల్ కుంభకోణంపై విచారణ

శృతి మించిన సోష‌ల్ వార్‌.. హ‌ద్దులు దాటిన అభిమానం..!

03-09-201903-09-2019 15:38:53 IST
2019-09-03T10:08:53.020Z03-09-2019 2019-09-03T10:08:51.274Z - - 02-07-2020

శృతి మించిన సోష‌ల్ వార్‌.. హ‌ద్దులు దాటిన అభిమానం..!
facebooktwitterGooglewhatsappwhatsappGoogle
ఆంధ్రప్రదేశ్ రాజకీయాల్లో నేత‌ల‌ను మించి పార్టీల అభిమానులు దిగ‌జారుతున్నారు. ఈ పార్టీ, ఆ పార్టీ అనే తేడా లేకుండా హ‌ద్దులు దాటి ప్రవర్తిస్తున్నారు. ప‌ర‌స్పర గౌర‌వం అనేది మ‌ర్చిపోయి ఒక పార్టీపై మ‌రొక పార్టీ అభిమానులు, శ్రేణులు సోష‌ల్ మీడియాలో దుమ్మెత్తిపోసుకుంటున్నారు. అయితే, ఈ విమ‌ర్శలు అర్థర‌హితంగా, ఒక విష‌యంపై ఉంటే ఫ‌ర్వాలేదు కానీ.. అర్థం ప‌ర్థం లేని విమ‌ర్శలు చేసుకుంటున్నారు.

నిన్న ఈ విమ‌ర్శ‌లు శృతిమించాయి. వైఎస్సార్ కాంగ్రెస్ పార్టీ, ప‌వ‌న్ క‌ళ్యాణ్ అభిమానుల మ‌ధ్య సోష‌ల్ మీడియాలో వార్ న‌డిచింది. ఇటీవ‌ల ముఖ్యమంత్రి వైఎస్ జ‌గ‌న్ పుట్టిన రోజు సంద‌ర్భంగా ఆయ‌న‌ను కించ‌ప‌రుస్తూ ట్విట్టర్‌లో ప‌వ‌న్ క‌ళ్యాణ్ అభిమానులు ట్వీట్లు చేశారు.

హ్యాపి బ‌ర్త్‌డే ధ‌న‌మేత జ‌గ‌న్ అనే హ్యాష్‌ట్యాగ్‌ను ట్రెండ్ చేశారు. దీనిని మ‌న‌సులో పెట్టుకున్న వైసీపీ శ్రేణులు, జ‌గన్ అభిమానులు నిన్న ప‌వ‌న్ క‌ళ్యాణ్ పుట్టిన రోజు సంద‌ర్భంగా బ‌దులు తీర్చుకునేందుకు త‌ప్పుడు ట్వీట్లు చేశారు.

ఓ వైపు పెద్ద ఎత్తున ప‌వ‌న్ క‌ళ్యాణ్ అభిమానులు త‌మ అభిమాన న‌టుడు, నాయ‌కుడి పుట్టిన రోజు సంద‌ర్భంగా హ్యాపీ బ‌ర్త్‌డే ప‌వ‌న్ క‌ళ్యాణ్ అనే హ్యాష్‌ట్యాగ్‌ను ట్రెండ్ చేశారు. ఇక్క‌డి వ‌ర‌కు బాగానే ఉన్నా.. వైసీపీ శ్రేణులు మ‌రో హ్యాష్‌ట్యాగ్‌తో ట్వీట్లు మొద‌లుపెట్టారు.

దీంతో హ్యాపీ బ‌ర్త్‌డే పావ‌లా క‌ళ్యాణ్ అనే వైసీపీ అభిమానులు సృష్టించిన హ్యాష్‌ట్యాగ్ కూడా ట్రెండ్ అయ్యింది. ప‌లువురు సెల‌బ్రిటీలు, సినీ ప్ర‌ముఖులు కూడా చూసుకోకుండా ఈ హ్యాష్‌ట్యాగ్‌ను జ‌త‌చేసి ప‌వ‌న్ క‌ళ్యాణ్‌కు పుట్టిన రోజు శుభాకాంక్ష‌లు చెప్పారు.

జ‌న‌సేన శ్రేణులు కూడా ఏమీ త‌క్కువ తిన‌లేదు. నిన్న‌నే దివంగ‌త ముఖ్య‌మంత్రి వైఎస్ రాజ‌శేఖ‌ర్ రెడ్డి 10వ వ‌ర్ధంతి కూడా ఉండ‌టంతో ఆయ‌న‌ను ల‌క్ష్యంగా చేసుకున్నారు.

ఆయ‌న మ‌ర‌ణంపై తీవ్ర ప‌ద‌జాలంతో, మ‌ర‌ణించిన వ్య‌క్తిని తీవ్రంగా అవ‌మానిస్తూ ట్వీట్లు చేశారు. జ‌గన్‌ను సైతం బీజేపీ బానిస అనే హ్యాష్‌ట్యాగ్‌తో ట్వీట్లు చేస్తున్నారు. ప్రస్తుతం రెండు పార్టీల శ్రేణుల మ‌ధ్య దిగ‌జారి విమ‌ర్శ‌లు కొన‌సాగుతున్నాయి. ఈ వివాదంలోకి సినీ న‌టుడు ఫిష్ వెంక‌ట్‌ను కూడా లాగారు.

ఆయ‌న పేరుతో త‌ప్పుడు ట్విట్ట‌ర్ అకౌంట్ ఓపెన్ చేసి వైఎస్‌ను, వైఎస్ జ‌గ‌న్‌ను తీవ్ర ప‌ద‌జాలంతో దూషిస్తూ ట్వీట్లు చేశారు. దీంతో వైసీపీ శ్రేణులు ఆయ‌న‌ను టార్గెట్ చేసి దూషిస్తూ ట్వీట్లు చేశారు.

దీంతో విష‌యం తెలుసుకున్న ఫిష్ వెంక‌ట్ ల‌భోదిభోమంటూ వెళ్లి సైబ‌ర్ క్రైమ్ పోలీసుల‌కు ఫిర్యాదు చేశారు. తాను అస‌లు సోష‌ల్ మీడియానే వాడ‌న‌ని, పైగా తాను వైఎస్ కుటుంబానికి వీరాభిమానిన‌ని, త‌న పేరుతో త‌ప్పుడు ట్వీట్లు చేస్తున్న వారిని క‌ఠినంగా శిక్షించాల‌ని ఆయ‌న కోరారు.

సెప్టెంబ‌ర్ 2న ఒకేరోజు ప‌వ‌న్ క‌ళ్యాణ్ పుట్టిన రోజు, వైఎస్ వ‌ర్ధంతి సంద‌ర్భంగా మొద‌లైన ఈ ట్వీట్ల యుద్ధంలో రెండు పార్టీల శ్రేణులు, అభిమానులు ప‌ర‌స్ప‌రం గౌర‌వించుకునే సంప్ర‌దాయాన్ని పూర్తిగా వ‌దిలేశారు.

ఈ వివాదంలో టీడీపీ, బీజేపీ జోక్యం చేసుకోకున్నా ఆ పార్టీల కార్య‌క‌ర్త‌లు కూడా కొంద‌రు ప‌లుమార్లు ఇటువంటి వ్యాఖ్య‌లే చేస్తున్నారు. 

సోషల్ మీడియాలో అనుచితంగా కామెంట్లు చేస్తున్న సుమారు 10 మందిపై ఇప్ప‌టికే ఏపీ పోలీసులు కేసులు పెట్టినా ఎటువంటి ఫ‌లితం లేదు. వేల మంది ఇటువంటి ట్వీట్లు చేస్తుండ‌టంతో పోలీసులు కూడా ఏమీ చేయ‌లేని ప‌రిస్థితి. అయితే, పార్టీ పెద్ద‌లే క‌ల‌గ‌జేసుకొని త‌మ శ్రేణులకు, అభిమానుల‌కు న‌చ్చ‌జెప్పి గీత దాట‌కుండా చూసుకుంటే గానీ ఇవి ఆగేలా లేవు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle