newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

వైసీపీని బీజేపీ అలా టార్గెట్ చేస్తుందా..?

15-07-201915-07-2019 08:26:42 IST
Updated On 15-07-2019 11:21:20 ISTUpdated On 15-07-20192019-07-15T02:56:42.848Z15-07-2019 2019-07-15T02:49:23.645Z - 2019-07-15T05:51:20.020Z - 15-07-2019

వైసీపీని బీజేపీ అలా టార్గెట్ చేస్తుందా..?
facebooktwitterGooglewhatsappwhatsappGoogle
ఆంధ్ర‌ప్ర‌దేశ్‌లో బ‌ల‌ప‌డేందుకు తీవ్రంగా ప్ర‌య‌త్నిస్తున్న భార‌తీయ జ‌న‌తా పార్టీ భ‌విష్య‌త్ వ్యూహాలు ఎలా ఉండ‌బోతున్నాయో ఆ పార్టీ నాయ‌కులు చెప్ప‌క‌నే చెబుతున్నారు. సాధార‌ణంగా బీజేపీ వ్యూహాలు అంత సులువుగా బ‌య‌ట‌ప‌డ‌వు. ఆర్ఎస్ఎస్ నుంచి వ‌చ్చిన నేత‌లు ఈ వ్యూహాల‌ను సీక్రెట్‌గా అమ‌లు చేస్తుంటారు. కానీ, ఇప్పుడు ఏపీ బీజేపీలో వ‌ల‌స నేత‌లే ఎక్కువ కావ‌డంతో వారు ఇట్టే బ‌య‌ట‌ప‌డిపోతున్నారు.

తాజాగా, తెలుగుదేశం పార్టీలో అధికార ప్ర‌తినిధిగా కొన‌సాగి ఇటీవ‌లే బీజేపీలో చేరిన లంకా దిన‌క‌ర్ ఆస‌క్తిక‌ర వ్యాఖ్య‌లు చేశాయి. వాస్త‌వానికి ఈ వ్యాఖ్య‌లు రానున్న రోజుల్లో ఆంధ్రప్ర‌దేశ్‌లో బీజేపీ ఎటువంటి రాజ‌కీయ ఎజెండాతో ముందుకుపోతుందో చెబుతున్నాయి.

దేశం మొత్తంలో ఆంధ్ర‌ప్ర‌దేశ్‌లో మ‌త‌మార్పిడులు పెరిగాయ‌ని, కొత్త ప్ర‌భుత్వం వ‌చ్చిన నెల రోజుల్లోనే రాష్ట్రంలో మ‌త‌మార్పిడులు గ‌ణ‌నీయంగా పెరిగాయ‌ని ఆరోపించారు.

ఆంధ్ర‌ప్ర‌దేశ్ ప్ర‌భుత్వం మ‌త‌మార్పిడుల‌ను ప్రోత్స‌హిస్తోంద‌ని, ప్ర‌భుత్వాలు ఒక మ‌తానికి కొమ్ముకాయ‌డం మంచిది కాద‌ని ఆయ‌న పేర్కొన్నారు. కొంద‌రు ఆర్ఎస్ఎస్ నేత‌లే ఈ విష‌యం చెప్పిన‌ట్లు ఆయ‌న తెలిపారు.

ఇది ఆందోళ‌న‌క‌ర‌మ‌ని ఆయ‌న చెప్పారు. ఈ వ్యాఖ్య‌ల వెనుక పెద్ద ఎత్తుగ‌డ‌నే ఉన్న‌ట్లు స్ప‌ష్ట‌మ‌వుతోంది. రాష్ట్రంలో అధికార వైఎస్సార్ కాంగ్రెస్ పార్టీని ఇరుకున పెట్టేందుకు మ‌త మార్పిడుల అంశాన్ని తెర‌పైకి తీసుకురావాల‌ని బీజేపీ నేత‌లు భావిస్తున్న‌ట్లు స్ప‌ష్ట‌మ‌వుతోంది.

ముఖ్య‌మంత్రి వైఎస్ జ‌గ‌న్మోహ‌న్ రెడ్డి క్రిష్టియ‌న్ కావ‌డం, ఆయ‌న ప్ర‌భుత్వం వ‌చ్చాక‌నే మ‌త‌మార్పిడులు పెరిగాయ‌ని ఆరోప‌ణ‌లు మొద‌లుపెట్ట‌డం ద్వారా ఏపీలో హిందువుల్లో జ‌గ‌న్ ప‌ట్ల వ్య‌తిరేక‌త తీసుకువ‌చ్చే వ్యూహం స్ప‌ష్టంగా క‌నిపిస్తోంది.

దీనికి కౌంట‌ర్ ఇవ్వ‌డం వైసీపీకి కూడా చాలా క‌ష్టం. ఇందుకు ఇటీవ‌ల వైవీ సుబ్బారెడ్డి ఉదంత‌మే మంచి ఉదాహ‌ర‌ణ‌. జ‌గ‌న్ చిన్నాన్న వైవీ సుబ్బారెడ్డిని టీటీడీ ఛైర్మ‌న్‌గా నియ‌మించాల‌ని నిర్ణ‌యం తీసుకున్న‌ప్పుడు ఆయ‌న క్రిష్టియ‌న్ అని పెద్ద ఎత్తున ప్ర‌చారం ప్రారంభ‌మైంది.

ఆంధ్ర‌ప్ర‌దేశ్‌లోనే కాకుండా జాతీయ స్థాయిలో ఇది చ‌ర్చ‌నీయాంశ‌మైంది. వైవీ సుబ్బారెడ్డి ప‌క్కా హిందువు అనే విష‌యం తెలియ‌ని నెటిజ‌న్లు జ‌గ‌న్‌పై తీవ్ర విమ‌ర్శ‌లు గుప్పించారు. త‌ర్వాత ఈ త‌ప్పుడు ప్ర‌చారాన్ని తిప్పికొట్ట‌డానికి వైసీపీ చాలా క‌ష్ట‌ప‌డాల్సి వ‌చ్చింది.

గ‌తంలో విజ‌య‌మ్మ స‌భ‌ల‌కు బైబిల్ ప‌ట్టుకొని రావ‌డం కూడా పెద్ద వివాదం అయ్యింది. దివంగ‌త ముఖ్య‌మంత్రి వైఎస్ రాజ‌శేఖ‌ర్‌రెడ్డి ఉన్న‌ప్పుడు సైతం ఆయ‌న త‌న మ‌తానికి అనుకూలంగా వ్య‌వ‌హ‌రిస్తున్నార‌నే ఆరోప‌ణ‌లు వ‌చ్చాయి. జ‌గ‌న్ తిరుమ‌ల ప‌ర్య‌ట‌న సైతం అనేక‌సార్లు వివాదాస్ప‌ద‌మైంది.

అయితే, వీటిని ఆంధ్ర‌ప్ర‌దేశ్ ప్ర‌జ‌లు పెద్ద‌గా ప‌ట్టించుకోలేదు. వైఎస్ కుటుంబం క్రిష్టియ‌న్ మ‌తాన్ని ఆచ‌రిస్తుంద‌నేది ప్ర‌జ‌ల‌కు తెలుసు. కానీ, వారిని ప్ర‌జ‌లు ఎప్పుడూ ఒకే మ‌తానికి ప‌రిమితం చేయ‌లేద‌నేది 2004, 2009, 2019 ఎన్నిక‌ల ఫ‌లితాలే చెప్పాయి. అయినా, బీజేపీ ఇదే అజెండాని న‌మ్ముకొని వైసీపీని టార్గెట్ చేయాల‌నుకుంటున్న‌ట్లు క‌నిపిస్తోంది. ఇప్ప‌టివ‌ర‌కైతే త‌న ప్ర‌తీ చ‌ర్య‌లోనూ అన్ని మ‌తాలు త‌న‌కు స‌మాన‌మే అన్న‌ట్లుగా జ‌గ‌న్ వ్య‌వ‌హార‌శైలి ఉంటుంది. ఇప్పుడు బీజేపీనే రంగంలోకి దిగి వైసీపీని టార్గెట్ చేయ‌డంతో వైసీపీ ఎలా ఎదుర్కుంటుందో చూడాలి. 

 



      040 23600300

newsting
Daily Updates
facebooktwitterGooglewhatsappwhatsappGoogle