newssting
Radio
BITING NEWS :
కంటెంట్‌ క్రియేటర్లకు ఆన్‌లైన్‌ కోర్స్‌ను సామాజిక మాధ్యమం ఫేస్‌బుక్‌ పరిచయం చేసింది. ఫేస్‌బుక్‌తోపాటు ఇన్‌స్ట్రాగామ్‌లో ఈ కోర్స్‌ అందుబాటులో ఉంటుంది. మార్కెట్‌ ధోరణి, ఉత్పత్తి నవీకరణలు, సవాళ్ల గురించి నిపుణులతో బోధన ఉంటుంది. * ప్రస్తుతం హిందీ, ఇంగ్లిష్‌లలో నిర్వహిస్తున్న ప్రభుత్వ రంగ బ్యాంకుల క్లరికల్‌ రిక్రూట్‌మెంట్‌లను, ఆ రెండు భాషలతో పాటు 13 ప్రాంతీయ భాషలలో నిర్వహించాలని కేంద్ర ఆర్థిక మంత్రిత్వ శాఖ సిఫార్సు చేసింది. దేశంలోని పన్నెండు ప్రభుత్వ రంగ బ్యాంకుల్లో ఇప్పటికే ప్రకటించిన ఖాళీల కోసం చేపట్టే క్లరికల్‌ రిక్రూట్‌మెంట్‌లలో ప్రిలిమ్స్, మెయిన్‌ పరీక్షలు రెండింటినీ ఇంగ్లీష్, హిందీతో పాటు 13 ప్రాంతీయ భాషలలో నిర్వహించాలని సూచించింది. * తాజాగా ప్రభుత్వం రాష్ట్రంలోని 9 బీచ్‌లకు బ్లూఫాగ్‌ సర్టిఫికెట్‌ సాదనపై దృష్టిసారించింది. ఆ జాబితాలో పేరుపాలెం బీచ్‌ కూడా ఉండటంతో బీచ్‌కు మహర్దశ పడుతుందనే ఆశాభావం వ్యక్తమవుతోంది. బ్లూఫాగ్‌ బీచ్‌గా కేంద్ర ప్రభుత్వం ఆమోదిస్తే ఏడాదికి రూ.కోటి నిధులు అందుతాయి. వాటితో బీచ్‌లో అభివృద్ధి పనులు చేపట్టేందుకు అవకాశముంటుంది. * తెలంగాణలో భారీగా పోలీసు అధికారుల బదిలీలు జరిగాయి. రాష్ట్ర పోలీస్‌ శాఖలో పనిచేస్తున్న 20 మంది డీఎస్పీలను బదిలీ చేస్తూ డీజీపీ ఎం.మహేందర్‌రెడ్డి ఉత్తర్వులు జారీచేశారు. * బాలీవుడ్‌లో ఎటువంటి బ్యాక్ గ్రౌండ్ లేకుండా తనకంటూ గుర్తింపు పొందిన నటుల్లో ఒకరు విక్కీ కౌశల్. లస్ట్‌ స్టోరీస్‌, రాజీ, సంజు వంటి సినిమాల్లో క్యారెక్టర్‌ ఆర్టిస్టుగా చేసి అనంతరం హీరోగా మారాడు. ‘ఉరీ: ది సర్జికల్ స్ట్రైక్’తో ఒక్కసారిగా సంచలన హిట్‌ కొట్టి దేశవ్యాప్తంగా అభిమానులను సంపాదించుకున్నాడు. * ఐపీఎల్‌ గత సీజన్‌లో ప్లే ఆఫ్స్‌ నుంచి నిష్క్రమించిన తొలి జట్టుగా అపఖ్యాతి మూటగట్టుకున్న చెన్నై సూపర్‌కింగ్స్‌.. ఈసారి మాత్రం సత్తా చాటింది. ఐపీఎల్‌-2021లో ప్లే ఆఫ్స్‌ చేరిన మొదటి జట్టుగా నిలిచింది.

విజ‌య‌సాయి రెడ్డికి ఇష్టం లేని ప‌ని జరగబోతోందా?

24-07-202024-07-2020 17:51:52 IST
2020-07-24T12:21:52.655Z24-07-2020 2020-07-24T12:21:49.369Z - - 17-10-2021

విజ‌య‌సాయి రెడ్డికి ఇష్టం లేని ప‌ని జరగబోతోందా?
facebooktwitterGooglewhatsappwhatsappGoogle
వైఎస్సార్ కాంగ్రెస్ పార్టీలో మొద‌టి నుంచి ప‌దో నెంబ‌ర్ వ‌ర‌కు అంతా జ‌గ‌న్ అన్న‌ట్లుగా ఉంటుంది వ్య‌వ‌హారం. ఆ పార్టీ న‌డిచేది మొత్తం జ‌గ‌న్ ఇష్టం, క‌ష్టంతోనే. అయితే, జ‌గ‌న్ కోర్ టీమ్‌లోని ముగ్గురిలో మాత్రం విజ‌య‌సాయిరెడ్డి ఒక‌రు. వైసీపీ జాతీయ ప్ర‌ధాన కార్య‌ద‌ర్శిగా, పార్ల‌మెంట‌రీ పార్టీ అధ్య‌క్షుడిగా ఆయ‌న వైసీపీ వ్య‌వ‌హారాల్లో కీల‌కంగా క‌నిపిస్తారు. ముఖ్యంగా ఉత్త‌రాంధ్ర పార్టీ వ్య‌వ‌హారాలు మొత్తం విజ‌య‌సాయిరెడ్డి క‌నుస‌న్న‌ల్లో జ‌రుగుతున్నాయి. ఉత్త‌రాంధ్ర జిల్లాల‌కు సంబంధించి సాయిరెడ్డి చెప్పిందే వైసీపీలో ఫైన‌ల్ అన్న‌ట్లుగా ప‌రిస్థితి ఉంది.

అయితే, ఇటీవ‌ల వైఎస్సార్ కాంగ్రెస్ పార్టీలో విజ‌య‌సాయిరెడ్డి ప్రాధాన్యం త‌గ్గిస్తున్నార‌నే ప్ర‌చారం పెద్ద ఎత్తున జ‌రుగుతోంది. విశాఖ‌ప‌ట్నంలో గ్యాస్ లీకేజ్ బాధితుల‌ను ఓదార్చేందుకు వెళ్లే స‌మ‌యంలో ముఖ్య‌మంత్రి జ‌గ‌న్ కారు ఎక్కి మ‌ళ్లీ దిగిన సంఘ‌ట‌న ఆధారంగా ఇటువంటి వార్త‌లు మొద‌ల‌య్యాయి. అయితే, విజ‌య‌సాయిరెడ్డి లాంటి జ‌గ‌న్‌కు బాగా ఉప‌యోగ‌ప‌డుతున్న క్యారెక్ట‌ర్‌ను దూరం చేయాల‌నే తెలుగుదేశం పార్టీ అనుకూల మీడియా ఎత్తులు కూడా ఈ ప్ర‌చారం వెనుక ఉండే అవ‌కాశం ఉంది. ఎందుకంటే వైసీపీలో జ‌గ‌న్ త‌ర్వాత టీడీపీకి, టీడీపీ అనుకూల మీడియాకు విజ‌య‌సాయి రెడ్డి టార్గెట్‌గా ఉంటూ వ‌స్తున్నారు.

అయితే, ఇప్పుడు విశాఖ‌ప‌ట్నానికి సంబంధించిన ఓ కీల‌క రాజ‌కీయ మ‌లుపులో విజ‌య‌సాయిరెడ్డి ఇష్టానికి విరుద్ధంగా ముఖ్య‌మంత్రి జ‌గ‌న్ నిర్ణ‌యం తీసుకుంటున్నార‌నే చ‌ర్చ జ‌రుగుతోంది. తెలుగుదేశం పార్టీకి చెందిన విశాఖ‌ప‌ట్నం ఉత్త‌రం ఎమ్మెల్యే, మాజీ మంత్రి గంటా శ్రీనివాస‌రావు వైఎస్సార్ కాంగ్రెస్ పార్టీలో చేర‌బోతున్నార‌ని తెలుస్తోంది. నిజానికి ఆయ‌న గ‌త ఎన్నిక‌ల ముందే రాష్ట్రంలో వైసీపీ వేవ్ న‌డుస్తుంద‌ని ప‌సిగ‌ట్టారు. ఎన్నిక‌ల ముందే టీడీపీకి రాజీనామా చేసి వైసీపీలో చేరాల‌ని భావించారు. ఇందుకు సంబంధించిన చ‌ర్చ‌లు కూడా ముగిశాయి. అయితే, టీడీపీ పెద్ద‌లు బుజ్జ‌గించ‌డం వ‌ల్ల చివ‌ర‌కు ఆయ‌న ఆ పార్టీలోనే కొన‌సాగారు.

ప్ర‌జ‌ల మ‌న‌స్సులు గెలుచుకున్నా, గెలుచుకోపోయినా అర్థం చేసుకోవ‌డంలో మాత్రం గంటా శ్రీనివాస‌రావు దిట్ట‌. అందుకే ప్ర‌తి ఎన్నిక‌కు గెలిచే అవ‌కాశాలు ఎక్కువ ఉన్న నియోజ‌క‌వ‌ర్గాలకు మారుతూ గెలుస్తూ వ‌స్తున్నారు. గ‌త ఎన్నిక‌ల్లో భీమిలి నుంచి విశాఖ ఉత్త‌ర నియోజ‌క‌వ‌ర్గానికి మారి విజ‌యం సాధించారు. కానీ, పార్టీ ఓడిపోవ‌డంతో ఆయ‌న ఎన్నిక‌ల ఫ‌లితాలు వ‌చ్చిన నాటి నుంచే సైలెంట్‌గా మారిపోయారు. పార్టీ వ్య‌వ‌హారాల‌కు పూర్తిగా దూర‌మ‌య్యారు. వైసీపీ ప్ర‌భుత్వంపై ఎటువంటి విమ‌ర్శ‌లు చేయ‌డం లేదు. పైగా విశాఖ‌ప‌ట్నాన్ని పాల‌నా రాజ‌ధాని చేయాల‌ని ప్ర‌భుత్వ నిర్ణ‌యాన్ని టీడీపీ స్టాండ్‌కు వ్య‌తిరేకంగా స‌మ‌ర్థించారు.

గ‌త ఏడాది కాలంగా అనేక‌సార్లు గంటా శ్రీనివాస‌రావు వైసీపీలో చేర‌బోతున్నార‌నే ప్ర‌చారం జ‌రిగింది. ఇందుకు సంబంధించిన చ‌ర్చ‌లు కూడా వైసీపీ ముఖ్యుల‌తో జ‌రిగాయ‌ని స‌మాచారం. అయితే, గంటా శ్రీనివాస్ చేరిక‌ను ఆయ‌న పాత స్నేహితుడు, ప్ర‌స్తుత మంత్రి అవంతి శ్రీనివాస్‌, వైసీపీ ఉత్త‌రాంధ్ర వ్య‌వ‌హారాల ఇంఛార్జి విజ‌య‌సాయిరెడ్డి వ్య‌తిరేకిస్తున్న‌ట్లు తెలుస్తోంది. గంటా ఏ పార్టీలో ఉన్నా జిల్లాలో కీ రోల్ పోషిస్తారు. పీఆర్పీని కాంగ్రెస్‌లో విలీనం చేసిన త‌ర్వాత మంత్రి ప‌ద‌వి పొందిన ఆయ‌న‌, మ‌ళ్లీ టీడీపీలోకి వ‌చ్చిన ఐదేళ్లు మంత్రిగా ఛాన్స్ కొట్టేశారు. ఇప్పుడు కూడా టీడీపీకి, ఎమ్మెల్యే ప‌ద‌వికి రాజీనామా చేసి వైసీపీలో చేరి గెలిస్తే గంటాకు మంత్రి ప‌ద‌వి కూడా వచ్చే అవ‌కాశాలు ఉన్నాయ‌ని చెబుతున్నారు.

గంటా లాంటి వారిని త‌మ పార్టీలో చేర్చుకోమ‌ని ముందు జాగ్ర‌త్త‌గా అవంతి శ్రీనివాస్ ప‌దేప‌దే మీడియా ముందు చెప్పి గంటా చేరిక‌కు బ్రేకులు వేసే ప్ర‌య‌త్నం చేశారు. ఇదే స‌మ‌యంలో తాను వైసీపీలో చేరాల‌నుకుంటే అవంతి లాంటి వారు అడ్డుకోలేర‌ని గంటా కౌంట‌ర్ ఇవ్వ‌డం ద్వారా వైసీపీలో చేరే ఆలోచ‌న ఏ మూలో ఉంద‌ని చెప్ప‌క‌నే చెప్పారు. వైసీపీలో ఎవ‌రు చేరినా విజ‌య‌సాయిరెడ్డి కీల‌కంగా వ్య‌వ‌హ‌రిస్తారు. ఆయ‌నే ద‌గ్గ‌రుండి వారిని జ‌గ‌న్ వ‌ద్ద‌కు తీసుకెళ్లి కండువా క‌ప్పిస్తారు. కానీ, గంటా చేరిక‌కు మాత్రం ఆయ‌న సానుకూలంగా లేర‌నే ప్ర‌చారం జ‌రుగుతోంది. అయినా, గంటా మ‌రికొంద‌రు వైసీపీ ముఖ్యుల ద్వారా పార్టీలో చేరేందుకు మార్గం సుగ‌మం చేసుకున్నార‌ని చెబుతున్నారు.

ప‌రిపాల‌నా రాజ‌ధాని కాబోతున్న విశాఖ‌ప‌ట్నంలో వైసీపీకి అంతగా ప‌ట్టులేదు. 2014లో స్వ‌యంగా వైఎస్ విజ‌య‌మ్మ విశాఖ ఎంపీగా ఓడిపోయారు. 2019లోనూ విశాఖ రూర‌ల్‌లో వైసీపీ స‌త్తా చాటినా న‌గ‌రంలో మాత్రం నాలుగింటికి నాలు నియోజ‌క‌వ‌ర్గాల్లో ఓడిపోయింది. ఇటువంటి స‌మ‌యంలో రాజ‌ధానిలో త‌మ పార్టీ బ‌లం పెంచుకోవ‌డం వైసీపీకి రాజ‌కీయంగా అవ‌స‌రం.

ఈ అవ‌స‌రం రిత్యానే బ‌ల‌మైన నాయ‌కుడిగా పేరున్న గంటా శ్రీనివాస‌రావును పార్టీలో చేర్చుకునేందుకు జ‌గ‌న్ కూడా గ్రీన్ సిగ్న‌ల్ ఇచ్చిన‌ట్లు తెలుస్తోంది. అయితే, ఈ విష‌యంలో విజ‌య‌సాయిరెడ్డికి న‌చ్చ‌జెబుతారా, లేదా అనేది చూడాల్సి ఉంది. ప్ర‌స్తుతం విజ‌య‌సాయిరెడ్డి క్వారంటైన్‌లో ఉన్న‌ప్పుడే గంటా చేరిక‌కు సంబంధించిన ప్ర‌చారం మొద‌లుకావ‌డం ఇక్క‌డ గ‌మ‌నార్హం.

 

వచ్చే ఏడాది పంజాబ్ ఎన్నికల ఎజెండాపై సోనియా గాంధీకి నవజ్యోత్ సిద్ధూ లేఖ

వచ్చే ఏడాది పంజాబ్ ఎన్నికల ఎజెండాపై సోనియా గాంధీకి నవజ్యోత్ సిద్ధూ లేఖ

   an hour ago


సీఎం కేసీఆర్‌పై సంచలన వ్యాఖ్యలు చేసిన ఈటల జమున

సీఎం కేసీఆర్‌పై సంచలన వ్యాఖ్యలు చేసిన ఈటల జమున

   2 hours ago


టిఆర్ఎస్ పార్టీ లో చేరనున్న మోత్కుపల్లి నర్సింహులు

టిఆర్ఎస్ పార్టీ లో చేరనున్న మోత్కుపల్లి నర్సింహులు

   6 hours ago


రేవంత్ రెడ్డి పై అధిష్టానానికి ఉత్తమ్ కుమార్ రెడ్డి ఫిర్యాదు..?

రేవంత్ రెడ్డి పై అధిష్టానానికి ఉత్తమ్ కుమార్ రెడ్డి ఫిర్యాదు..?

   6 hours ago


పూర్తికాల అధ్యక్షురాలిగా నేనే ఉంటా: సోనియా గాంధీ

పూర్తికాల అధ్యక్షురాలిగా నేనే ఉంటా: సోనియా గాంధీ

   16-10-2021


కొత్త చీఫ్ కోసం కాంగ్రెస్ పార్టీ సమావేశం

కొత్త చీఫ్ కోసం కాంగ్రెస్ పార్టీ సమావేశం

   16-10-2021


మావోయిస్టు అగ్రనేత ఆర్కే ఛత్తీస్‌గఢ్‌లో అనారోగ్యంతో మరణించారు

మావోయిస్టు అగ్రనేత ఆర్కే ఛత్తీస్‌గఢ్‌లో అనారోగ్యంతో మరణించారు

   15-10-2021


టిఆర్ఎస్ పై విరుచుకుపడ్డ ఈటల రాజేందర్

టిఆర్ఎస్ పై విరుచుకుపడ్డ ఈటల రాజేందర్

   14-10-2021


ఉత్తరప్రదేశ్ ఎన్నికల్లో సమాజ్‌వాదీ పార్టీ 400 సీట్లను గెలుచుకోగలదు: అఖిలేష్ యాదవ్

ఉత్తరప్రదేశ్ ఎన్నికల్లో సమాజ్‌వాదీ పార్టీ 400 సీట్లను గెలుచుకోగలదు: అఖిలేష్ యాదవ్

   15-10-2021


మహిళల అభివృద్ధికి సీఎం వైఎస్ జగన్ మోహన్ రెడ్డి కట్టుబడి ఉన్నారు: మంత్రి ఆదిమూలపు సురేష్

మహిళల అభివృద్ధికి సీఎం వైఎస్ జగన్ మోహన్ రెడ్డి కట్టుబడి ఉన్నారు: మంత్రి ఆదిమూలపు సురేష్

   14-10-2021


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle