మంత్రులు సీఎం జగన్ మాట వినడంలేదా?

03-07-201903-07-2019 13:21:32 IST
Updated On 03-07-2019 13:24:33 ISTUpdated On 03-07-20192019-07-03T07:51:32.479Z03-07-2019 2019-07-03T07:51:24.179Z - 2019-07-03T07:54:33.402Z - 03-07-2019

ఏపీ సీఎం జగన్మోహన్ రెడ్డి కొంతమంది మంత్రుల తీరుపై తీవ్ర ఆగ్రహంతో ఉన్నారని తెలుస్తోంది. తాను చెప్పిన పనులు, సూచనలు పాటించడం లేదని ఆయన మండిపడుతున్నారని అమరావతి మీడియా వర్గాల కథనం.

పాలనలో అంతగా అనుభవం లేని సీఎం జగన్ సీనియర్ అధికారుల సూచనలతో ముందుకెళుతున్నారు. నెలరోజుల్లో కీలక నిర్ణయాలు తీసుకున్నా.. మంత్రులు మాత్రం తన మాటల్ని లెక్కచేయడం లేదని ఆయన కినుకగా ఉన్నారు. వారికి ఒకట్రెండుసార్లు చెప్పినా తన రూట్లోకి రావడం లేదనే అభిప్రాయం ఆయనలో వ్యక్తం అవుతోందని అంటున్నారు.

సీఎం జగన్మోహన్ రెడ్డి ఆదేశాలు పట్టించుకోవడం లేదనడానికి ఒకట్రెండు ఉదాహరణలు కూడా తెరమీదకి తెస్తున్నారు. ముఖ్యమంత్రిగా బాధ్యతలు చేపట్టాక గత ప్రభుత్వంలో మంత్రులవద్ద పనిచేసిన వారిని పేషీల్లోకి తీసుకోవద్దంటూ సీఎం ఆదేశాలు జారీచేశారు. అయితే వాటిని మంత్రులు అంతగా పరిగణనలోకి తీసుకున్న దాఖలాలు కనిపించడంలేదంటున్నారు.

అందులో భాగంగా పీఏ,పీఎస్,ఓఎస్డీ ల నియామకంలో సీఎం ఆదేశాలు బేఖాతర్ అవుతున్నాయి. టీడీపీ హయాంలో మంత్రుల వద్ద పనిచేసిన వారిని పేషీల్లో పెట్టుకున్నారు పలువురు మంత్రులు. గతంలో ఆరోపణలు ఉన్న వారిని తమ వెనుక తిప్పుకుంటున్న మంత్రుల తీరుపై జగన్ ఆగ్రహంతో ఉన్నారు. 

విద్యాశాఖ మంత్రి పీఎస్ పైనా గతంలో ఆరోపణలు వచ్చాయి. కానీ ఆయన మళ్ళీ ఇప్పుడు కొనసాగుతున్నారు. పేషీల్లో సిబ్బంది నియామకంపై నిఘా నివేదికలు తెప్పించుకుంటున్న సీఎం జగన్ రానున్న రోజుల్లో మంత్రులకు క్లాస్ పీకడం ఖాయంగా కనిపిస్తోంది. తన మాటను లెక్కచేయని వారిపై కఠినచర్యలకు కూడా వెనుకాడనని సన్నిహితుల వల్ల జగన్ పేర్కొన్నారని తెలుస్తోంది.

ఇప్పుడు తీసుకున్న మంత్రులు సగం కాలం మాత్రమే మంత్రివర్గంలో ఉంటారు. మరో రెండున్నరేళ్ళ తర్వాత జగన్ తన మంత్రివర్గాన్ని పునర్వ్యవస్థీకరించి ప్రస్తుత మంత్రులను తీసేసి, వారి స్థానంలో కొత్తవారికి అవకాశం ఇవ్వనున్నారు. ఈ నేపథ్యంలో మంత్రులు తాముండేది కొంతకాలమే కదా, ఏం చేసినా నడుస్తుందనే ధోరణిలో ఉన్నారని తెలుస్తోంది.