newssting
BITING NEWS :
*అఫ్గనిస్థాన్‌ రాజధాని కాబూల్‌లో ఘోర బాంబు పేలుడు..63 మంది మృతి *నేడు హైదరాబాద్‌లో జేపీ నడ్డా పర్యటన*డల్లాస్‌ లో ప్రవాసాంధ్రులతో ఏపీ సీఎం జగన్‌ సభ *హైదరాబాద్‌లో యూఎస్‌ కాన్సులేట్‌ ఆధ్వర్యంలో 10కే రన్‌ * ఫిల్మ్‌నగర్‌లో డ్రంక్‌ అండ్‌ డ్రైవ్‌ తనిఖీలు… 24 వాహనాలు సీజ్‌*అవినీతిలేని ఆంధ్రప్రదేశ్‌ నిర్మించాలన్నదే నా కల : ఏపీ సీఎం జగన్‌

ప్రత్తిపాటికి ఎర్త్ పెట్టే ప్లాన్

16-03-201916-03-2019 07:49:31 IST
2019-03-16T02:19:31.535Z16-03-2019 2019-03-16T02:19:19.760Z - - 19-08-2019

ప్రత్తిపాటికి ఎర్త్ పెట్టే ప్లాన్
facebooktwitterGooglewhatsappwhatsappGoogle
చిలకలూరిపేట నియోజకవర్గంలో ఈ ఎన్నికలు రసవత్తరంగా మారనున్నాయి. ఎందుకంటే టీడీపీ అభ్యర్థి మంత్రి ప్రత్తిపాటి పుల్లారావును ఎదుర్కొనేందుకు వైసీపీ బలమైన అభ్యర్థిని బరిలో దింపబోతోంది. ముఖ్యంగా విడదల రజనీ, మాజీ ఎంఎల్ఏ మర్రి రాజశేఖర్, నార్నే శ్రీనివాసరావు పేర్లు వైసీపీ నుంచి ప్రముఖంగా వినిపిస్తున్నాయి.

అయితే విడుదల రజనీకే టిక్కెట్ ఖరారు చేస్తారని నియోజకవర్గంలో ప్రచారం జరుగుతోంది. నాదెండ్ల, యడ్లపాడు, చిలకలూరిపేట మండలాలు ఈ నియోజకవర్గంలో ఉన్నాయి. 

ముఖ్యంగా కమ్మ, ఎస్సీల ఓట్లు ఈ అసెంబ్లీ సెగ్మెంటులో కీలకం. గతంలో రెండుసార్లు ఈ సీటు నుంచి గెలిచిన ప్రత్తిపాటి పుల్లారావు, ఈ ఎన్నికల్లో కూడా తనను గెలిపించాలని కోరుతున్నారు.

తాను చేసిన అభివృద్ధే తనను మరోసారి గెలిపిస్తుందని ధీమా వ్యక్తం చేస్తున్నారు. రూ.1770 కోట్ల రూపాయలతో నియోజకవర్గాన్ని అభివృద్ధి చేశానని ప్రత్తిపాటి అంటున్నారు. ఇక ప్రజా సమస్యలు తెల్సుకునేందుకు మండలానికో పీఏని ఏర్పాటు చేశారు ప్రత్తిపాటి పుల్లారావు.

వీరి ద్వారా తనకు అందిన పిర్యాదులను సకాలంలో పరిష్కరించానని చెబుతున్నారు. అయితే వైసీపీ నేతలు మంత్రి ప్రత్తిపాటి మాటలను కొట్టిపారేస్తున్నారు. ఎప్పటి నుంచో పెండింగులో ఉన్న ఆటోనగర్ నిర్మాణ పనులు ఒక్క అడుగు కూడా ముందుకు సాగలేదని ఆరోపిస్తున్నారు.

నియోజకవర్గంలో డ్రైనేజ్ వ్యవస్థ, విద్యుత్ సరఫరా అధ్వాన్నంగా మారిందని చెబుతున్నారు. తాగునీటి సమస్య తీర్చకపోగా, టీడీపీ నేతలే వాటర్ ట్యాంకర్లతో నీటి వ్యాపారం జోరుగా చేస్తున్నారని మండిపడుతున్నారు. ప్రత్తిపాటి ఏర్పాటు చేసిన పీఏలు, తమ ఇష్టారాజ్యంగా వ్యవహరిస్తూ జనాన్ని దోచేశారనేది వైసీపీ నేతల మరో ఆరోపణ. మొత్తానికి ఈసారి ఎన్నికల్లో చిలకలూరిపేట నియోజకవర్గ పోరు తీవ్ర ఉత్కంఠ రేపనుంది.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle