newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

పోలవరం అవనీతి రాజకీయ నినాదమేనా?

04-08-201904-08-2019 17:10:00 IST
Updated On 04-08-2019 17:11:23 ISTUpdated On 04-08-20192019-08-04T11:40:00.556Z04-08-2019 2019-08-04T11:39:56.328Z - 2019-08-04T11:41:23.757Z - 04-08-2019

పోలవరం అవనీతి రాజకీయ నినాదమేనా?
facebooktwitterGooglewhatsappwhatsappGoogle

ఆంధ్రప్రదేశ్ కు జీవధార అయిన పోలవరం నిర్మాణం కొనసాగుతుందా అన్న సందిగ్ధ పరిస్థితి ఇప్పుడు నెలకొని ఉంది. విపక్ష నేతగానూ, అధికారంలోనికి వచ్చిన తరువాత కూడా వైకాపా అధినేత, సీఎం జగన్ పోలవరం అవినీతి మయం అంటూ ఆరోపణలు గుప్పిస్తున్నారు. అలాగే సార్వత్రిక ఎన్నికల ప్రచార సమయంలో ప్రధాని మోడీ కూడా పోలవరం ప్రాజెక్టు చంద్రబాబుకు ఏటీఎంగా మారిపోయిందని విమర్శించారు.

ఇప్పుడు టెండర్లను రద్దు చేసిన తరువాత కేంద్ర జలశక్తి శాఖ మంత్రి గజేంద్రసింగ్ షెకావత్ అది సరి కాదని పేర్కొన్నారు. అసలింతకీ పోలవరం ప్రాజెక్టులో అవినీతిని వెలికి తీసి బాధ్యులపై చర్యలు తీసుకోవాలనే విషయంలో ఎవరికి ఎలాంటి అభ్యంతరం ఉండదు. కానీ పోలవరంలో అవినీతి అన్నది రాజకీయ నినాదంగా మారితేనే అభ్యంతరం. పోలవరం ప్రాజెక్టు పనుల్లో అక్రమాలపై విపక్షంలో ఉండగానే వైకాపా విమర్శలు చేస్తూ వచ్చింది. అలాగే అనేక అవకతవకలు జరిగాయని సర్వత్రా ఆరోపణలు వచ్చాయి. కేంద్రం కూడా ఈ విషయంలో అనేకానేక అనుమానాలు వ్యక్తం చేసింది. విపక్షంలో ఉండగా ప్రస్తుత సిఎం వైఎస్‌ జగన్‌ ఏనాడూ పోలవరాన్ని సందర్శించక పోవడానికి కూడా ఇదే కారణంగా చెబుతారు. జాతీయ ప్రాజెక్టుగా పోలవరాన్ని కేంద్రం నిర్మించాల్సి ఉన్నా వ్యయం కేంద్రానిదీ, నిర్మాణ బాధ్యత రాష్ట్రప్రభుత్వానిదీ కావడమే పోలవరం విషయంలో ఇన్ని అనుమానాలు, ఆరోపణలు వ్యక్తమవ్వడానికి, వెల్లువెత్తడానికీ కారణం అయి ఉండవచ్చు. కానీ అవినీతి నిగ్గు తేల్చడానికి ఒక వ్యవస్థ ఉంది. రాజకీయ ఆరోపణలతో రాష్ట్రానికి జీవధార వంటి ప్రాజెక్టు కుంటుపడే పరిస్థితి రావడమే శోచనీయం. 

ఇదే విషయాన్ని లోక్ సభ సాక్షిగా కేంద్ర మంత్రి గజేంద్రసింగ్ షెకావత్ చెప్పారు. గత ప్రభుత్వం కూడా ప్రధాన కాంట్రాక్టర్ దివాళా స్థితికి చేరుకుని చేతులెత్తేసినప్పుడు టెండర్లు రద్దు చేయకుండా ప్రాజెక్టు వేగాన్ని పెంచేందుకు ప్రత్యామ్నాయ మార్గాలను ఆశ్రయించిందనీ, అందులో భాగమే కాంట్రాక్టర్ మార్పు అనీ చెప్పారు.  అయినా పోలవరంలో అవినీతికి ఆస్కారం ఉండే అవకాశం లేదు. ఒక వేళ ఉంటే అది కేంద్రం అనుమతితోనే జరిగి ఉండాలి. ఎందుకంటే పోలవరం నిర్మాణ పర్యవేక్షణ మాత్రమే ఏపీ సర్కార్ ది మిగిలినవన్నీ కేంద్రం అనుమతితో, కేంద్రం కనుసన్నలలోనే జరిగాయి. జాతీయ ప్రాజెక్టు కనుక అన్నీ కేంద్రం అధీనంలోనే ఉంటాయి.  ఇదే విషయాన్ని ఇప్పుడు కేంద్ర మంత్రి షెకావత్ కుండబద్దలు కొట్టారు. ఇప్పుడు టెండర్ల రద్దుతో పోలవరం పనులు జాప్యం అవడం తధ్యమన్న భావన వ్యక్తమౌతున్నది. ఏపీకి నీటి కొరత తీర్చే బృహత్తర ప్రాజెక్టు ఇలా రాజకీయ కారణాలతో వెనక్కు వెళ్లడం ఎంత మాత్రం సమంజసం కాదు. ఎందుకంటే    ఏపీ  ప్రజలు కూడా పోలవరం ఇలా రాజకీయ పార్టీల మధ్య నలిగిపోవడం వల్ల రాష్ట్ర ప్రయోజనాలు దెబ్బతినడం తప్ప మరో ప్రయోజనం ఉండదన్న ఆందోళన వ్యక్తం చేస్తున్నారు.  అవినీతి నిగ్గు తేల్చాల్సిన అవసరం ఉంది నిజమే పనులను ఆపివేయడం ఒక్కటే పరిష్కారం అన్న తీరే సరికాదు.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle