newssting
BITING NEWS :
*మహారాష్ట్రలో రాష్ట్రపతి పాలన* Ap గవర్నర్‌ను కలిసిన జనసేన అధినేత పవన్ కల్యాణ్.. ఇసుక కొరత, ఇంగ్లీష్ మీడియం, కార్మికుల సమస్యలపై చర్చ*ఉపరాష్ట్రపతి వెంకయ్యనాయుడుపై సీఎం జగన్‌ వ్యాఖ్యలు ఖండిస్తున్నా..కన్నా లక్ష్మీనారాయణ *శివసేన గడువును తిరస్కరించిన గవర్నర్‌...మూడో పెద్దపార్టీగా ఎన్సీపీని ప్రభుత్వ ఏర్పాటుకు గవర్నర్‌ ఆహ్వానం*కేంద్ర ఆర్థిక మంత్రి నిర్మలా సీతారామన్‌ని కలిసిన ఏపీ ఆర్థికమంత్రి బుగ్గన రాజేంద్రనాథ్ రెడ్డి *ఏపీ కొత్త సీఎస్ గా నీలం సహాని...కేంద్రం నుంచి నీలం సహాని రిలీవ్*మహారాష్ట్ర: నేడు ఎమ్మెల్యేలతో ఎన్సీపీ అధినేత శరద్‌పవార్ భేటీ.. శివసేనకు మద్దతిచ్చే అంశంపై చర్చ*తెలంగాణలో 39వ రోజుకు చేరిన ఆర్టీసీ కార్మికుల సమ్మె.. నేడు గవర్నర్‌ను కలవనున్న జేఏసీ నేతలు*గుంటూరు జిల్లాలో ఘోర ప్రమాదం..జనం మీదకు దూసుకెళ్లిన లారీ... ముగ్గురి మృతి..ఐదుగురికి గాయాలు

పోలవరం అథారిటీ సలహాను జగన్ పాటిస్తారా?

17-08-201917-08-2019 09:17:56 IST
Updated On 20-08-2019 12:03:08 ISTUpdated On 20-08-20192019-08-17T03:47:56.827Z17-08-2019 2019-08-17T03:47:49.588Z - 2019-08-20T06:33:08.199Z - 20-08-2019

పోలవరం అథారిటీ సలహాను జగన్ పాటిస్తారా?
facebooktwitterGooglewhatsappwhatsappGoogle
పోలవరం టెండర్ల విషయంలో జగన్ సర్కార్ దూకుడుపై రాజకీయంగా విమర్శలు వెల్లువెత్తుతున్నాయి.  అయినా జగన్ సర్కార్ వేగం పెంచుతూనే వుంది. రివర్స్ టెండరింగ్ ద్వారా ప్రాజెక్టు పనులు మరింత ఆలస్యమయ్యే అవకాశం ఉందని పోలవరం ప్రాజెక్టు అధారిటీ సీఈవో ఆందోళన వ్యక్తం చేశారు. 

ఆయన చెప్పిన అంశాలను లెక్క చెయ్యకుండా ప్రాజెక్టు నిర్మాణ విషయంలో ముందడుగు వేయాలని భావిస్తున్నారు జగన్. అయినా సరే పోలవరం ప్రాజెక్ట్ అధారిటీ సి ఈ వో గా ఉన్న ఆర్కే జైన్ మరోమారు ప్రభుత్వాన్ని ఆలోచన విరమించుకోవాలని సూచిస్తూ లేఖ రాయడం హాట్ టాపిక్ అవుతోంది.

ఆంధ్రప్రదేశ్‌ ప్రభుత్వం పోలవరం ప్రాజెక్టు రీటెండరింగ్‌ ప్రకటనకు సిద్ధమవుతూ.. శుక్రవారం అందుకు సంబంధించిన మార్గదర్శకాలను జారీ చేసిన నేపథ్యంలో.. ప్రాజెక్టు అథారిటీ ఈ సూచనలు చేయటం ప్రాధాన్యత సంతరించుకుంది.  పీపీఏ ముఖ్య కార్యనిర్వహణాధికారి ఆర్‌.కె.జైన్‌  శుక్రవారం జలవనరుల శాఖ ప్రత్యేక ప్రధాన కార్యదర్శి ఆదిత్యనాథ్‌దాస్‌కి లేఖ రాయడంతో ఈ అంశం మళ్ళీ తెరమీదకు వచ్చింది. 

పోలవరం రీటెండరింగ్‌ అంశంపై ఈ నెల 13న హైదరాబాద్‌లో అత్యవసరంగా నిర్వహించిన పీపీఏ సమావేశంలో తీసుకున్న నిర్ణయాల్నే ఆయన పునరుద్ఘాటించారు. ‘‘ప్రాజెక్టు విస్తృత ప్రయోజనాల్ని దృష్టిలో ఉంచుకుని ప్రిక్లోజర్‌, రీ టెండరింగ్‌ ఆలోచనల్ని విరమించుకోవాలని మీకు వినయపూర్వకంగా సలహా ఇస్తున్నాను. కనీసం ఈ అంశంపై కేంద్ర ప్రభుత్వం ఒక వైఖరి తీసుకునే వరకైనా... మీ నిర్ణయాన్ని వాయిదా వేసుకోండి’’ అని సూచించారు. 

అంతేకాకుండా, పోలవరం ప్రాజెక్టు టెండర్లు రద్దు చేసి, మళ్లీ టెండర్లు పిలవాల్సిన అవసరంగానీ, అలా చేయాలన్న ఆలోచనకు బలమైన ప్రాతిపదికగానీ లేదన్న అభిప్రాయం వ్యక్తం చేశారు. పోలవరం ప్రాజెక్టు ఆలస్యం అయితే, దాని భారం రాష్ట్రప్రజలపై పడుతుందని జైన్ అంటున్నారు.

ప్రాజెక్టు కోసం మళ్లీ టెండర్లు పిలిచి వేరే సంస్థకు పనులు అప్పగిస్తే ఖర్చు పెరగడం, ప్రాజెక్టులో జాప్యం జరగడంతో పాటు ఇతర సమస్యలూ తలెత్తుతాయని తెలిపింది. ఖర్చు పెరిగితే ఆ భారాన్ని కేంద్రం భరించబోదనీ స్పష్టం చేసింది. ఇప్పుడు పనులు చేస్తున్న సంస్థను కాదని, మరో సంస్థకు పనులు అప్పగిస్తే సాంకేతిక నైపుణ్యం, డిజైన్ల పరంగా సమన్వయం ఎలా సాధ్యపడుతుందని రాష్ట్ర జలవనరుల శాఖ అధికారులు, ఇంజినీర్లను ప్రశ్నించింది. 

అయితే, రీ-టెండరింగ్‌ ద్వారా పోలవరం నిర్మాణంలో వ్యయం పెరిగితే రాష్ట్ర ప్రభుత్వం భరించాలని, పనుల్లో జాప్యం జరుగుతుందని మాత్రమే పోలవరం అథారిటీ పేర్కొందని జలవనరుల మంత్రి అనిల్‌కుమార్‌ యాదవ్‌ పేర్కొన్నారు. గత టీడీపీ ప్రభుత్వ పనితీరుపైనే పోలవరం అథారిటీ అనుమానాలు వ్యక్తం చేసినట్టు అనిపిస్తోందన్నారు.

రివర్స్‌ టెండరింగ్‌ ప్రక్రియను శనివారం ప్రారంభించి సెప్టెంబర్‌ 15కల్లా పూర్తి చేస్తామన్నారు. నవంబరు 1 నుంచి పనులు ప్రారంభమవుతాయని, 2021 జూన్‌ నాటికి పోలవరం నిర్మాణం పూర్తవుతుందని వెల్లడించారు. తాజాగా పీపీఏ సిఈ ఓ జైన్ లేఖ రాయటం ప్రభుత్వ వర్గాలను ఆలోచనలో పడేసింది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle