newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

నేతలతో వాలంటీర్ల కుమ్మక్కు.. రైతు భరోసా స్వాహా ?!

15-05-202015-05-2020 15:51:37 IST
Updated On 15-05-2020 16:52:43 ISTUpdated On 15-05-20202020-05-15T10:21:37.332Z15-05-2020 2020-05-15T10:21:34.820Z - 2020-05-15T11:22:43.803Z - 15-05-2020

నేతలతో వాలంటీర్ల కుమ్మక్కు.. రైతు భరోసా స్వాహా ?!
facebooktwitterGooglewhatsappwhatsappGoogle
రైతును రాజుని చేస్తామంటూ తాను నమ్మిన నవరత్నాలలో ఒక రత్నంగా రైతుకి అండగా ఉంటామంటూ సీఎం జగన్మోహన్ రెడ్డి తెచ్చిన రైతు భరోసాలో భారీ అవకతవకలు జరిగాయా? పారదర్శకత అంటే ఎలా ఉంటుందో తాను చేసి చూపిస్తానంటూ సీఎం జగన్మోహన్ రెడ్డి ఎన్నికలకు ముందుగా ఘంటాపదంగా చెప్పారు. సంక్షేమ పథకాల అమలులో సౌలభ్యం కోసమే వాలంటీర్లు అంటూ మరో కొత్త వ్యవస్థనే సృష్టించారు.

కానీ ఇప్పుడు ఆ వాలంటీర్లే స్థానిక ప్రజా ప్రతినిధులతో కలిసి ప్రజలకు చేరాల్సిన సంక్షేమ పథకాలను దిగమింగేస్తున్నారని ఆరోపణలు వెల్లువెత్తుతున్నాయి. ముఖ్యంగా రైతు భరోసా పథకంలో కౌలు రైతుల పేరుతో భారీ అక్రమాలు జరుగుతున్నట్లుగా వినిపిస్తుంది. ఇప్పటికే బాధిత రైతులతో పాటు స్థానిక ప్రతిపక్ష పార్టీల నేతలు.. పై అధికారులకు ఫిర్యాదులు చేసినా ఫలితం మాత్రం లేదంటూ వాపోతున్నారు.

ఎన్నికలకు ముందు జగన్మోహన్ రెడ్డి ప్రతి రైతు కుటుంబానికి 12500 పెట్టుబడి సాయం చేస్తానని మాట ఇచ్చారు. కానీ ప్రభుత్వంలోకి వచ్చాక అది ప్రధాని కిసాన్ పథకంతో కలిపి అమల్లోకి తెచ్చారు. అంటే ఏపీ ప్రభుత్వం ఇచ్చేది 6500 మాత్రమే.. దీనిపై విమర్శలు రావడంతో మరో వెయ్యి అదనం అంటూ కొద్దిగా ఏమార్చే ప్రయత్నం చేశారు. మొత్తంగా ఇప్పుడు విడతల వారీగా 13500 కుటుంబానికి అందించాల్సి ఉంది.

కాగా ఈ పథకంలో లొసుగులు ఎక్కువగా ఉన్నాయని.. స్థానిక నేతలు అక్రమాలకు పాల్పడుతున్నారని పథకం మొదలైన తొలిరోజుల్లోనే వినిపించింది. కానీ ప్రభుత్వం పెద్దగా పట్టించుకోలేదు. ఇప్పుడు అది కాస్త పెరిగి పెద్దదై కౌలు రైతులను అడ్డం పెట్టుకొని కోట్లలో దోపిడీకి తెగబడినట్లుగా తీవ్ర ఆరోపణలు వస్తున్నాయి. అది కూడా వాలంటీర్లు ప్రజాప్రతినిధులతో కలిసి ఈ దోపిడీకి తెగబడుతున్నట్లుగా తెలుస్తుంది.

ఈ అక్రమాలు కూడా ఎంత తెలివిగా.. ఎంతో చాకచక్యంగా ఈ దందా సాగుతుందని ఓ అధికారి వెల్లడించారు. ప్రస్తుతం రాష్ట్రవ్యాప్తంగా రైతులు, వారి పట్టాదారు వివరాలు, ఆధార్ వివరాలు, బ్యాంక్ ఖాతాల వివరాలు.. కుటుంబ వివరాలతో సహా అన్నీ వాలంటీర్ల వద్దే ఉన్నాయి. లేకపోయినా వారు అడిగితే చచ్చినట్లు ఏదైనా ఇవ్వాల్సిందే. దీంతో కౌలు రైతులు అనే అప్షన్ ద్వారా తన దోపిడీని మొదలుపెట్టారు. దీనిని ఒక క్రమ పద్ధతిలో అవలంభిస్తున్నారని చెప్పారు.

ముందుగా తమ పంచాయతీ పరిధిలో తమ వద్ద ఉన్న భూవివరాలలో స్థానికంగా నివాసం లేని వారు... ఉన్నా తమ మాట వింటారు అనుకున్న వాళ్ళని ఓ లిస్ట్ తయారుచేస్తారు. వారి పట్టాదారు వివరాలను తమకు అనుకూలమైన అదే పంచాయతీకి చెందిన వారిపై కౌలు దారులుగా రికార్డులకు ఎక్కించారు. తమకి అనుకూలమైన వారిపై వచ్చిన రైతు భరోసాను కౌలు రైతులుగా ఉన్న వ్యక్తులతో కలిసి వాలంటీర్లు, నేతలు దింగమేస్తున్నారు.

అది కూడా పంచాయతీలో జనాభా ప్రాతిపదికనే ఈ దందాకు ఒక పరిధిని కూడా సెట్ చేసుకున్నట్లుగా తెలుస్తుంది. ఉదాహరణకు 1500 ఓటింగ్ ఉన్న పంచాయతీలో గరిష్టంగా పదిలక్షలకు మించకుండా ఈ దోపిడీకి లిమిట్ పెట్టుకున్నారు. ఆపై జనాభా పెరిగేకొద్దీ తమ దోపిడీ పరిధిని పెంచుకున్నట్లుగా తెలుస్తుంది. వచ్చే మొత్తంలో తాము సృష్టించిన కౌలు రైతుకి రెండు వేలలోపే చేతిలో పెట్టి మిగతా పదివేలను వాలంటీర్లు, నేతలు కలిసి పంచుకుంటున్నారట.

ఒకవేళ కౌలు రైతులుగా సృష్టించిన వారు అడ్డం తిరిగినా.. అసలైన యజమానులుగా ఉన్న భూ పట్టాదారులు విషయం తెలుసుకొని వాలంటీర్లను నిలదీసినా బెదిరింపులు షరామామూలే. పెన్షన్ల నుండి అమ్మ ఒడి వరకు అన్నీ తమ చేతుల్లోనే ఉన్నాయని.. ఫిర్యాదులు అంటూ అధికారుల వరకు వెళ్తే మిగతా పథకాలు అందకుండా చేస్తామని నేతలతో కలిసి వాలంటీర్లు బెదిరింపులకు కూడా వెనకాడడం లేదని చెప్తున్నారు.  

ఇది రాష్ట్రంలో ఒక్క జిల్లాకో ఒక మండలానికో పరిమితం కాలేదని తెలుస్తుంది. సీఎం సొంత జిల్లా కడప నుండి రాయలసీమలోని కర్నూలు, అనంతపురం జిల్లాలతో పాటు నెల్లూరు, ప్రకాశం జిల్లాలలో ఈ దోపిడీ ఎక్కువగా ఉందని చెప్తున్నారు. మిగతా జిల్లాలలో కూడా ఈ దందా కొనసాగుతున్నా కాస్త ఆలస్యంగా మొదలైనట్లుగా తెలుస్తుంది. ఈ అక్రమాలపై ఇప్పటికే వ్యవసాయ అధికారులతో పాటు తహసీల్దార్లు, ఎంపీడీఓలకు కూడా పలుచోట్ల ఫిర్యాదులు అందినట్లుగా తెలుస్తుంది.

అయితే ప్రస్తుతం కరోనా ఎఫెక్ట్ ముమ్మరంగా ఉన్నందున విచారణ చేయలేమని.. పరిస్థితులు చక్కబడిన తరవాత విచారణకు ఆదేశిస్తామని చెప్తున్నారు. అయితే.. అధికార పార్టీ నేతలు, ప్రభుత్వంలో భాగమైన వాలంటీర్లను ప్రభుత్వ అధికారులు ఆదేశించే పరిస్థితి రాష్ట్రంలో లేదని బాధితులు వాపోతున్నారు. కౌలు రైతులకు ఇచ్చే భరోసాలో కేంద్రం వాటా కూడా లేదని తమ ప్రభుత్వమే ఈ డబ్బు ఇస్తుందని.. తమదే రాజ్యమన్నట్లుగా వీరి మాటలు ఉండడం విశేషం.

పారదర్శకత.. అవినీతి నిర్మూలన అని చెప్పే సీఎం జగన్మోహన్ రెడ్డి రైతు భరోసాలో అవకతవకలపై దృష్టి పెట్టాల్సిన అవసరం ఎంతైనా ఉంది. సంక్షేమ పథకాల అమలు, పారదర్శకత కోసమే వాలంటీర్ల వ్యవస్థను తీసుకొచ్చామని ఆ పార్టీ నేతలు గొప్పలు చెప్పుకుంటున్నారు. కానీ క్షేత్రస్థాయిలో మాత్రం ఆ అవినీతికి వాలంటీర్లు ఆద్యులుగా మారుతున్నారు. ఇప్పటికే గతఏడాది సెప్టెంబర్, నవంబర్ నెలల్లోనే ఈ ఆరోపణలు వినిపించినా ప్రభుత్వం ఏ మాత్రం పట్టించుకోలేదు. ఇక ఇప్పుడు అది కాస్త కుంభకోణం స్థాయికి చేరింది. మరి ఇప్పుడైనా ప్రభుత్వం కళ్ళు తెరుస్తుందా? అన్నదే ప్రశ్న!

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle