newssting
BITING NEWS :
*ప్రపంచవ్యాప్తంగా కరోనావైరస్ కేసులు 65.31 లక్షలు... ఇప్పటి వరకు 3.86 లక్షల మంది మృతి*విశాఖ...డా.సుధాకర్ కేసు దర్యాప్తులో అనూహ్య మార్పులు.సుధాకర్ కు వైద్యం అందిస్తున్న డాక్టర్ మళ్ళీ మార్పు. డా.మాధవి లత స్థానంలో డా.సుబ్రహ్మణ్యం * గ్రేటర్ హైద్రాబాద్ లో కరోనా పంజా.వారం రోజుల వ్యవధి లోనే కొత్తగా 500పైగా కరోనా కేసులు *ఎల్ జీ పాలిమర్స్‌లో ప్రమాదంపై నేడు హైపవర్‌ కమిటీ విచారణ *నేడు జలసౌధలో కృష్ణా బోర్డు భేటీ*వైఎస్సార్‌ వాహనమిత్ర ఆర్థిక సాయం విడుదల .. లబ్ధిదారుల ఖాతాల్లో జమ చేయనున్న సీఎం వైఎస్‌ జగన్‌ * సమగ్ర భూసర్వేను చేపట్టాలని సీఎం జగన్ ఆదేశం *తిరుమల: ఇవాళ్టి నుంచి మూడు రోజుల పాటు శ్రీవారి వార్షిక జేష్టాభిషేకం ఉత్సవాలు, ఏకాంతంగానే ఉత్సవాల నిర్వహణ.. ఇవాళ ఉత్సవ మూర్తులకు వజ్రకవచ ధారణ* తెలంగాణలో కొత్తగా 129 కొత్త కేసులు. మొత్తం 3020కి చేరిన పాజిటివ్ కేసులు.. మరో ఏడుగురు మృతి *ఈనెల 8 నుంచి హైదరాబాద్ లో ఆర్టీసీ సర్వీసులు? 78 రోజులుగా హైదరాబాద్ లో ఆర్టీసీ సర్వీసులు బంద్. అధికారులతో మంత్రి పువ్వాడ అజయ్ సమావేశం. అంతరాష్ట్ర బస్ సర్వీసులపై చర్చబెజవాడ గ్యాంగ్ వార్ పై ఏపీ డీజీపీ గౌతమ్ సవాంగ్ సీరియస్. ఇలాంటి ఘటనలు పునరావృతం కాకుండా చర్యలు తీసుకుంటాం. ఈ గ్యాంగ్ వార్ లో ఎంత వారున్నా వదిలే ప్రసక్తే లేదు - ఏపీ డీజీపీ

కరోనా భయం .. పెరిగిన డేటా, గేమింగ్ యాప్స్ వినియోగం

24-03-202024-03-2020 08:41:23 IST
Updated On 24-03-2020 12:05:11 ISTUpdated On 24-03-20202020-03-24T03:11:23.730Z24-03-2020 2020-03-24T03:11:16.572Z - 2020-03-24T06:35:11.451Z - 24-03-2020

కరోనా భయం .. పెరిగిన డేటా, గేమింగ్ యాప్స్ వినియోగం
facebooktwitterGooglewhatsappwhatsappGoogle
కరోనా వైరస్ వ్యాప్తి చెందకుండా ప్రభుత్వాలు లాక్ డౌన్ ప్రకటించాయి. ఉద్యోగులు ఆఫీసులకు వెళ్ళక్కర్లేదు. పిల్లలకు స్కూల్స్ సెలవు. దీంతో ఆటవిడుపుకోసం జనం మొబైల్స్ మీద పడ్డారు. దీంతో డేటా వినియోగం భారీగా పెరిగిపోయింది. రోజుకి 2 జీబీ కూడా వాడని వారు ఇప్పుడు డబుల్ డేటా వినియోగిస్తున్నారు. దీంతో వర్క్ ఫ్రం హోం ఉద్యోగాలు చేసేవారు ఇబ్బందులు పడుతున్నారు. ఇటు పిల్లల ఎక్కువగా ఇష్టపడే గేమింగ్ యాప్స్ కి బాగా డిమాండ్ పెరిగింది.

పుస్తకాలు చదవడం, కామిక్స్ చూడడం ఎక్కువైంది. గత రెండు నెలలుగా మొబైల్ బ్రౌజింగ్ యాప్ యాక్టివిటీ దాదాపు 40 శాతం పెరిగినట్టు ఓ నివేదిక వెల్లడించింది. కోవిడ్-19 మహమ్మారిని ఎదుర్కొనే క్రమంలో ఇళ్లకే పరిమితమైన ప్రజలు మొబైల్స్‌కే పరిమితమై న్యూస్, సమాచారం, ఎంటర్‌టైన్మెంట్ వంటి వాటిని అందులోనే వెతుక్కుంటున్నారు. ఈ విషయాన్ని బెంగళూరుకు చెందిన ఒక కంపెనీ నివేదిక తెలిపింది.

జనవరి తొలి వారం నుంచి ఈ నెల 11 వరకు డేటా సిగ్నల్స్‌ను విశ్లేషించడం ద్వారా ఈ నివేదిక విడుదల చేసింది. దేశవ్యాప్తంగా లొకేషన్ ట్రెండ్స్, వినియోగదారుల ఇన్‌-యాప్ బిహేవియర్‌ను వెల్లడించింది. జనవరి నుంచి బుక్స్, కామిక్ యాప్స్ వినియోగం 200 శాతం పెరగ్గా, గేమింగ్ యాప్స్ వినియోగం 120 శాతం వరకూ పెరిగింది. ఇమేజ్, వీడియో ఎడిటింగ్ యాప్ వినియోగం 60 శాతం పెరిగింది. మొబైల్ బ్రౌజింగ్ యాప్ యాక్టివిటీ 37 శాతం పెరిగింది. మార్చి 5 నుంచి అయితే ఇమేజ్, వీడియో ఎడిటింగ్ యాప్ వినియోగం రాకెట్ స్పీడ్ అందుకుందని వివరించింది. ఫిబ్రవరి 12 నుంచి గేమింగ్ యాప్‌ల వినియోగం బాగా పెరిగింది.

నెట్ ఫ్లిక్స్, అమెజాన్ ప్రైమ్, హాట్ స్టార్, ఆహా లాంటి ఓటీటీ యాప్స్ ను డౌన్లోడ్ చేసుకుని నాన్ స్టాప్ స్ట్రీమ్ చేస్తుంటారు. కానీ కొన్ని యాప్స్ సబ్ స్క్రిప్షన్ చార్జీలు ఎక్కువగా ఉండటం వల్ల వేరే వాటిపై ప్రజలు మొగ్గు చూపుతున్నారు. ఈరోస్ నౌ యాప్ ప్రజలకు బంపరాఫర్ ఇచ్చింది. రాబోయే రెండు నెలలు ఉచితంగా వాడుకునే అవకాశం కలుగుతోంది. ఈ యాప్ లో ఎవరైతే ‘స్టే ఫ్రీ’ అని ఇంగ్లీష్ కోడ్ ఉపయోగిస్తారో వాళ్లకు రెండు నెలలు యాప్ లోని సినిమాలు.. ప్రోగ్రామ్స్, రియాలిటీ షోలను ఉచితంగా పొందవచ్చు. అలాగే అమెజాన్ ప్రైమ్, హాట్ స్టార్ వంటి అప్లికేషన్స్ కూడా ఇదే బాటలో వెళ్లనున్నాయి. 

జియో భలే ఆఫర్లు

టెలికాం దిగ్గజం రిలయన్స్ జియో ఇంటి నుంచి పని చేసేవారికి అదనపు ప్రయోజనాలను కలిగిస్తూ నూతన 4జీ డేటా వోచర్లను తాజాగా ప్రకటించింది. 4జీ సౌకర్యంతో పాటుగా టాక్‌టైమ్‌ను రూ. 11 నుంచి రూ. 101 ప్లాన్స్ వరకు అందుబాటులో ఉంచింది. ఒకసారి అధిక వేగంతో డేటా ముగిసిన తర్వాత 64 కేబీపీఎస్‌తో అపరిమితంగా ఇంటర్నెట్‌ను ఉపయోగించుకోవచ్చని తెలిపింది.

అందులో భాగంగా రూ.11 – 800ఎంబీ డేటా.. 75 నిమిషాల టాక్‌టైమ్‌ లభిస్తుంది. రూ.21 – 2జీబీ డేటా.. 200 ని.టాక్‌టైమ్‌ అందుబాటులో ఉంది. రూ.51 – 6జీబీ డేటా.. 500 ని.టాక్‌టైమ్‌ అందిస్తోంది. రూ.101 – 12 జీబీ డేటా.. 1000 ని.టాక్‌టైమ్‌ అందిస్తోంది. కరోనా వల్ల డేటా వినియోగం బాగా పెరిగిందని, కస్టమర్లకు అందుబాటులో ఉండేలా ఈ ప్లాన్స్ అందిస్తామని జియో తెలిపింది. డేటా వినియోగం పెరగడం వల్ల నిజంగా పనిచేసేవారు మాత్రం చాలా ఇబ్బంది పడుతున్నారు. 

 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle