newssting
BITING NEWS :
* వచ్చేవారంలో ఏడు రాష్ట్రాల ముఖ్యమంత్రులతో సమావేశం కానున్న ప్రధాని నరేంద్రమోదీ. * ఆక్స్‌ఫర్డ్‌ వ్యాక్సిన్ మాదిరే‌ రష్యా‌ వ్యాక్సిన్ స్పుత్నిక్‌-వి ప్రయోగాలలో కూడా స్వల్ప దుష్పలితాలు. * అమెరికాలో న్యూయార్క్‌ రాష్ట్రంలోని రోచెస్టర్‌ నగరంలో జరిగిన కాల్పుల్లో ఇద్దరు మృతి. 14 మందికి గాయాలు. * షెడ్యూల్‌ కంటే ముందుగా పార్లమెంట్‌ వర్షాకాల సమావేశాలు ముగిసే అవకాశం. కరోనా సోకిన ఎంపీల సంఖ్య పెరుగుతున్న నేపథ్యంలో ఆలోచన చేస్తున్న ప్రభుత్వ వర్గాలు. బిజినెస్‌ అడ్వైజరీ కమిటీ భేటీలో సమావేశాల కుదింపునకే మొగ్గుచూపిన మెజారిటీ సభ్యులు * సాంప్రదాయ, శాస్త్రోక్తంగా జరుగుతున్న తిరుమల శ్రీవారి బ్రహ్మోత్సవాలు. * ఏపీలో నేటి నుండి గ్రామ, వార్డు, సచివాలయ ఉద్యోగాలకు పరీక్షలు. ఈ నెల 26 వరకు.. ఉదయం 10 గంటల నుండి 12 గంటల వరకు... మధ్యాహ్నం 2 గంటల నుంచి 4 గంటల వరకు జరగనున్న పరీక్షలు. ప్రకాశం జిల్లాలో తగ్గని కరోనా ఉధృతి. తాజాగా మరో 1065 కేసులు నమోదు. ఒంగోలులో అత్యధికంగా 220 కేసులు నమోదు. జిల్లాలో ఆస్పత్రులతో పాటు హోం ఐసోలేషన్‌లలో ప్రస్తుతం 11,132 యాక్టివ్ కేసులు * తెలంగాణలో సోమవారం నుండి ప్రారంభం కానున్న పాఠశాలలు, జూనియర్‌ కళాశాలలు. అన్ని స్కూళ్లలో విధులకు హాజరు కానున్న సగం మంది టీచర్లు. రోజు విడిచి రోజు విధులకు హాజరు కానున్న ఉపాధ్యాయులు. ఉపాధ్యాయుల సలహాలు పొందేందుకు, అనుమానాలు నివృత్తి చేసుకునేందుకు తల్లిదండ్రుల అనుమతితో మాత్రమే పాఠశాలకు విద్యార్థులు * ఉపరితల ఆవర్తనాల ప్రభావంతో తెలుగు రాష్ట్రాలలో విస్తారంగా వర్షాలు. శుక్రవారం రాత్రి నుంచి శనివారం రాత్రి వరకు అతిభారీ వర్షాలు. పొంగిపొర్లుతున్న నదులు, వాగులు, వంకలు. కుండపోత వర్షాలకు భారీగా నీటమునిగిన పంటలు.

అబ్బే అలా అనలేదు.. మాట మార్చిన ట్రంప్

02-08-202002-08-2020 06:21:44 IST
2020-08-02T00:51:44.297Z02-08-2020 2020-08-02T00:51:41.069Z - - 21-09-2020

అబ్బే అలా అనలేదు.. మాట మార్చిన ట్రంప్
facebooktwitterGooglewhatsappwhatsappGoogle
నవంబర్‌లో జరిగే అధ్యక్ష ఎన్నికలను వాయిదా వేయాలని తాను కోరుకోవడం లేదని, యథావిధిగా ఎన్నికలు జరగాలని తాను కోరుకుంటున్నానని అమెరికా అధ్యక్షుడు డొనాల్డ్ ట్రంప్ మాట తిప్పారు. సరిగ్గా 24 గంటలకు ముందు నవంబర్‌లో జరిగే అధ్యక్ష ఎన్నికలను వాయిదా వేయాలని ట్విటర్‌లో పేర్కొన్న ట్రంప్‌.. తన ప్రతిపాదనపై సొంతపార్టీ రిపబ్లికన్ ప్రతినిధుల నుంచే తీవ్ర విమర్శలు రావడంతో వెనక్కు తగ్గారు. రోజుకొక మాట మార్చడంలో ఆరితేరిపోయిన ట్రంప్ ప్రత్యర్థుల నుంచి కాకుండా సొంత పార్టీలో కూజా పలుచక కావడం గమనార్హం.

అమెరికా అధ్యక్ష ఎన్నికలకు సమయం ఆసన్నమవుతున్న వేళ డొనాల్డ్‌ ట్రంప్‌ సంచలన ట్వీట్‌ చేశారు. నవంబర్‌లో జరిగే అధ్యక్ష ఎన్నికలను వాయిదా వేయాలని ట్రంప్‌ ట్విటర్‌లో పేర్కొన్నారు. కరోనా వైరస్‌ దృష్ట్యా దేశంలో ఎన్నికలు జరిగే పరిస్థితి లేదని, పోస్టల్‌ బ్యాలెట్‌తో ఎన్నికలు నిర్వహిస్తే అవకతవకలు జరుగుతాయని అభిప్రాయపడ్డారు. అంతేకాకుండా ఎన్నికల ఫలితాలు కూడా తారుమారు అయ్యే అవకాశం ఉందని ట్రంప్‌ ట్వీట్‌ చేశారు. 

అమెరికా అధ్యక్షుడు డొనాల్డ్‌ ట్రంప్‌ తొలిసారిగా అధ్యక్ష ఎన్నికల్ని వాయిదా వేసే ప్రతిపాదనల దిశగా అడుగులు వేస్తున్నారు. ఎన్నికల ప్రక్రియ జాప్యం జరుగుతుందన్న సంకేతాలు పంపుతున్నారు. ఈ సారి ఎన్నికల్లో మెయిల్‌ ద్వారా వేసే ఓట్లలో భారీగా అవకతవకలు చోటు చేసుకుంటాయని ఆరోపించారు. ఈ ఏడాది నవంబర్‌ 3న అధ్యక్ష ఎన్నికలు జరగనున్నాయి. అయితే అమెరికాలో ఎన్నికల్ని వాయిదా వెయ్యడం అంత సులభం కాదు.

అమెరికా రాజ్యాంగంలో జాప్యం అన్న పదానికే చోటు లేదు. అయినప్పటికీ ట్రంప్‌ గురువారం ‘‘దేశ చరిత్రలోనే 2020 ఎన్నికల్లో కచ్చితత్వం లోపిస్తుందని, భారీగా అవకతవకలు జరుగుతాయి. దీనివల్ల అమెరికా తీవ్ర ఇబ్బందులు ఎదుర్కోవాలి’’ అని ట్వీట్‌ చేశారు. కరోనా నేపథ్యంలో ఎన్నికల్లో ఎక్కువ మంది మెయిల్‌ ఇన్‌ ఓటింగ్‌ పద్ధతిని ఆశ్రయిస్తున్నారు. మెయిల్‌ ద్వారా ఓటు వేసే ప్రక్రియలో విదేశీ హస్తం ఉంటుందని ట్రంప్‌ ఆందోళన వ్యక్తం చేశారు. 

ప్రజలంతా సురక్షితంగా ఓటేసే పరిస్థితులు వచ్చే వరకు ఎన్నికలు వాయిదా వేస్తే ఏమవుతుంది ? అని ట్రంప్‌ ఆ ట్వీట్‌లో ప్రశ్నించారు. కాగా నవంబర్‌ 3న అమెరికా అధ్యక్ష ఎన్నికలు జరగాల్సి ఉన్న విషయం తెలిసిందే. ఈ నేపథ్యంలో ట్రంప్‌ చేసిన ట్వీట్‌ తీవ్ర దుమారం రేపుతోంది.

అప్పుడలా. ఇప్పుడిలా.. 

అమెరికాలో అధ్యక్ష పదవికి ఎన్నికలు సమీపిస్తున్న సందర్భంగా దేశాధ్యక్షుడు డొనాల్డ్ ట్రంప్ ఎన్నికల వాయిదాపై సంచలన వ్యాఖ్యలు చేసిన విషయం తెలిసిందే. దీంతో విపక్ష పార్టీ నేతలు ట్రంప్‌‌పై మండిపడ్డారు. ఇదే సమయంలో సొంత పార్టీ నేతల నుంచి తనకు మద్దతు లభించకపోవడంతో.. తాజాగా ట్రంప్ వెనక్కి తగ్గారు. 

ఈ విషయంపై పూర్తి వివరాల్లోకి వెళ్తే.. అమెరికాలో కరోనా వైరస్ విలయం సృష్టిస్తోంది. కరోనా కాటకు లక్షలమంది అమెరికన్లు ప్రాణాలు కోల్పోయారు. కోట్లాది మంది అమెరికన్లు ఉద్యోగాలు, ఉపాధి కోల్పోయి రోడ్డున పడ్డారు. అయితే కరోనా సృష్టించిన విపత్తునూ.. అమెరికా అధ్యక్షుడు తనకు అనుకూలంగా మార్చుకునేందుకు ప్రయత్నిస్తున్నారు. ఇందులో భాగంగా వీసాలపై కఠిన ఆంక్షలను విధించారు. అమెరికన్ల మనసు దోచుకునేందుకు ట్రంప్ తీవ్రంగా కృషి చేస్తున్నా.. ఆయన పాచికలు పారడంలేదు. అమెరికన్లను తన వైపునకు తిప్పుకోలేపోతున్నారు. ఇదే సమయంలో కరోనాను కట్టడి చేయడంలో ట్రంప్ విఫలమయ్యారని.. ప్రత్యర్థి జో బిడెన్ ఆరోపిస్తున్నారు. అయితే  కరోనా విషయంలో ట్రంప్ మాటలను మెజార్టీ అమెరికన్లు నమ్మడం లేదని పలు సర్వేలు తేల్చేశాయి. 

ఈ నేపథ్యంలో పరిస్థితులు తనకు ప్రతికూలంగా ఉన్నట్లు భావించిన ట్రంప్.. నవంబర్‌లో జరగనున్న ఎన్నికలను వాయిదా వేయాలనే తన మనసులో మాటలను ట్విట్టర్ వేదికగా బటయపెట్టారు. ‘ఇది నిజంగా అమెరికాకు ఇబ్బందికరమే.. ప్రజలు స్వేచ్ఛగా, భద్రతగా ఓటు వేసే సమయం వచ్చేంత వరకు ఎన్నికలు వాయిదా? ’అంటూ ట్వీట్ చేశారు. అంతేకాకుండా మెయిల్-ఇన్-ఓటింగ్ పద్ధతిని ట్రంప్ బూచిగా చూపించే ప్రయత్నం చేశారు. 

అయితే ట్రంప్ వ్యాఖ్యలను ప్రతిపక్ష పార్టీ నేతలు, రిపబ్లికన్ పార్టీ నేతలు కూడా తీవ్రంగా వ్యతిరేకించారు. దీంతో ట్రంప్ వెనక్కి తగ్గారు. శ్వేతసౌధంలో తాజాగా ఏర్పాటు చేసిన మీడియా సమావేశంలో మాట్లాడుతూ.. నవంబర్‌లో జరిగే అధ్యక్ష ఎన్నికలను వాయిదా వేయాలని తాను కోరుకోవడం లేదని తెలిపారు. యథావిధిగా ఎన్నికలు జరగాలని తాను కోరుకుంటున్నట్లు చెప్పారు. 

దేశ సినీ పరిశ్రమని టెర్రరిజమ్‌ల నుంచి కాపాడాలి: కంగనా

దేశ సినీ పరిశ్రమని టెర్రరిజమ్‌ల నుంచి కాపాడాలి: కంగనా

   17 hours ago


పుస్తకాలే లేవు.. ఆన్‌లైన్ క్లాసులపై.. తల్లిదండ్రుల తీవ్ర ఆవేదన

పుస్తకాలే లేవు.. ఆన్‌లైన్ క్లాసులపై.. తల్లిదండ్రుల తీవ్ర ఆవేదన

   19 hours ago


పాకిస్తాన్, చైనా.. భారత సహనానికి పరీక్ష.. !

పాకిస్తాన్, చైనా.. భారత సహనానికి పరీక్ష.. !

   20 hours ago


చైనాతో చర్చలు సరే.. మరి పాకిస్తాన్ తో.. ఫరూక్ వ్యాఖ్యలు

చైనాతో చర్చలు సరే.. మరి పాకిస్తాన్ తో.. ఫరూక్ వ్యాఖ్యలు

   21 hours ago


ఆ కాలువ నిర్మాణం పిరమిడ్స్, తాజ్‌మహల్‌ కంటే గొప్ప కృషే... ఆనంద్ మహీంద్రా

ఆ కాలువ నిర్మాణం పిరమిడ్స్, తాజ్‌మహల్‌ కంటే గొప్ప కృషే... ఆనంద్ మహీంద్రా

   a day ago


పెరుగుతున్న నిరుద్యోగం.. అరకోటికి పైగా ఉద్యోగాలు హుష్!

పెరుగుతున్న నిరుద్యోగం.. అరకోటికి పైగా ఉద్యోగాలు హుష్!

   19-09-2020


ఉల్లి ఎగుమతుల నిషేధం ప్రయోజనం ఎవరికి?

ఉల్లి ఎగుమతుల నిషేధం ప్రయోజనం ఎవరికి?

   19-09-2020


అల్ ఖైదా కుట్ర భగ్నం.. అంతర్రాష్ట్ర ఉగ్రవాదులు అరెస్ట్

అల్ ఖైదా కుట్ర భగ్నం.. అంతర్రాష్ట్ర ఉగ్రవాదులు అరెస్ట్

   19-09-2020


ఆ ఏడు దేశాలకే 88 శాతం వ్యాక్సిన్ డోసులు.. గ్లోబల్ నివేదిక

ఆ ఏడు దేశాలకే 88 శాతం వ్యాక్సిన్ డోసులు.. గ్లోబల్ నివేదిక

   19-09-2020


రైతుల దశ మారుతుంది.. వ్యవసాయ బిల్లుల ఆమోదంపై ప్రధాని మోదీ

రైతుల దశ మారుతుంది.. వ్యవసాయ బిల్లుల ఆమోదంపై ప్రధాని మోదీ

   18-09-2020


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle